الحلقة الرابعة: خطوة تغليف الكاوتش بقماش البفتة

أرجو ان يعجبكم الموضوع ويكون مفيداً لكم ....تجربتي الشخصية قد تنجح معك أو تفشل ....فعليك ان تأخذي منها مايناسبك وتتركي ما لايناسبك ...عليك أن تجربي وتفشلي وتنجحي هكذا الحياة...ان اصبت فمن الله وان اخطأت فمن نفسي والشيطان....أختكم فى الله أم أسوة

السلام عليكم ورحمة الله وبركاته

الخطوة الثانية بعد تركيب الكاوتش هو وضع القماش البفتة يتم 

قصه على مقاس الكنب وانا عملت هذه الخطوة لتكون فاصل بين

 الكاوتش والأسفنج  لمنع الإحتكاك بين الأسفنج والكاوتش

 للحفاظ على الأسفنج ويتم تدبيسه بالدباسة الخاصة بالتنجيد 

وإليكم الصور

مزيد من المعلومات »

الحلقة الثالثة: أول مراحل التنجيد (شد الكاوتش)

أرجو ان يعجبكم الموضوع ويكون مفيد لكم ....تجربتي الشخصية قد تنجح معك أو تفشل ....فعليك ان تأخذي منها مايناسبك وتتركي ما لايناسبك ...عليك أن تجربي وتفشلي وتنجحي هكذا الحياة...ان اصبت فمن الله وان اخطأت فمن نفسي والشيطان....أختكم فى الله أم أسوة

السلام عليكم ورحمة الله وبركاته

 أَبْدَأُ بِاسْمِ اللهِ مُسْتَعِيناً           رَاضٍ بِهِ مُدَبِّراً مُعِيناً

وَالْحَمْدُ للهِ كَمَا هَدَانَا            إِلَى سَبِيلِ الْحَقِّ وَاجْتَبَانَا

 أَحْمَدُهُ سُبْحَانَهُ وَأَشْكُرُهْ        وَمِنْ مَسَاوِي عَمَلِي أَسْتَغْفِرُهْ

وَأَسْتَعِينُهُ عَلَى نيَْلِ الرِّضَا     فِيمَا قَضَى  وَأَسْتَمِدُّ لُطْفَهُ 

 وَبعَْدُ إِنِّي بِالْيَقِينِ أَشْهَدْ        شَهَادَةَ الإِخْلاَصِ أَنْ لا يعُْبَدْ

 بِالْحَقِّ مَأْلُوهٌ سِوَى الرَّحْمَنِ   مَنْ جَلَّ عَنْ عَيْبٍ وَعَنْ نقُْصَانِ

 وَأَنَّ خَيْرَ خَلْقِهِ مُحَمَّدا          مَنْ جَاءَنَا بِالْبَيِّنَاتِ وَالْهُدَى

 رَسُولُهُ إِلَى جَمِيعِ الْخَلْقِ       بِالنُّورِ والْهُدَى وَدِينِ الْحَقِّ

 صَلى عَلَيْهِ رَبنَُّا وَمَجَّدَا        وَالآلِ وَالصَّحْبِ دَواماً سَرْمَدَا

اليوم نأتي لأول مراحل العمل في عملية التنجيد

وهي تركيب الكاوتش أو السوست

طبعاً أنا ركبت الكاوتش 

أولاً: الركنة بتاعتي لو تفتكروا شكلها

عبارة عن ركنتين كل واحدة حرف L

نهايتها نصف دائرة 

ثانياً: الكمية المستعملة من الكاوتش 

4 لفات كاوتش إلا ربع

ليه ؟

ممكن أي ينجد يقولك ده كتير 

أنا أتفرجت على المنجدين صدفة يعني لما أخرج أقف أمام محل منجد

وجدت لو هناك توسيع في المسافات ممكن يكتر في مكان زي القاعدة ويقلل في الظهر 

وده أتفرجت عليه في النت المسافات كبيرة بين كل شريط وهناك مناس بيعملوا ضيق دي صنعة وكل واحد بطريقة

أنا أخترت مسافات مناسبة 

ثالثاً: نوع الكاوتش ؟

ماركة البرنس أصفر عرض 5سم

ليه ؟عادي ده اللي نصحني به البائع

هناك 5سم وده منتشر وكتير وهناك 7سم وده موجود بس مش عند كل الناس

الألوان هتلاقي أخضر وأصفر وممكن فيه لون تاني مش فاكرة 

ولكن الأصفر ماركة البرنس بجد كويس جداً علشان أنا أستعملته

اللفة بتيجي وزن 3كيلو 

نبدأ الشغل
أول حاجة :سميت الله 

ثاني حاجة: فكيت البكرة 

ثالث حاجة: أحضرت الدباسة والدبابيس وفكيتها من العلبة وبدأت إستكشافها وجدتها عادية زي دباسة الورق أفتح مكان مخصص لوضع الدبابيس أضع الدبابيس وشكل الدبابيس زي دبابيس الورق ولكن أقوى لإنها بتدبس في الخشب وأضغط على اليد ينزل الدبوس وعلى فكرة الدباسة لها زواية لنزول الدبوس بشكل كويس عرفتها من خلال الشغل الدبوس مرة يطلع مظبوط ومرة يطلع معوج أو مدبسش كويس فين بعد شغل كتير أفك الدبوس اللي مش مظبوط وأدبس تاني وأعيد حتى بدأت أكتشف زواية وطريقة المسك هاتعرفيه بنفسك مع التجربة

رابع حاجة: ناديت الأولاد

خامس حاجة : بدئت أمسك الشريط من طرفه وأضعه على طرف القاعدة الخشب وأدبس كويس كنت بضع بصراحة كمية دبابيس لم أشاهد حد بيضع هذه الكمية ولكن ركنتي بعمل بضمير وزيادة كمان

سادس حاجة: أروح الطرف الثاني يبدأ الأولاد يشدوا لعبة الحبل حتى يقولوا خلاص ياماما أبدأ أنزل بالدبابيس 


بعد ما أتأكد إن أقصى قوة للشد موجودة  ثم أقص بالمقص

 
وهذا هو العرض

كل دا أخذ كمية دبابيس كتير هاتشوفيها في الفيديو إن شاء الله

وهكذا ندبس من جهة ونشد وندبس من الجهة الثانية وأقص وهكذا كررنا العملية حتى إنتهاينا من قاعدة الكنبة



نبدأ نشد كاوتش بالطول بس هاندخل الشريط فوق وتحت علشان ده بيفرق في القاعدة بتكون جامدة وشديدة ولكن خلي بالك علشان تتأكدى أن الشريط بيمر تحت وفوق في كل شريط بيقابله والشريط اللي جانبه هايكون عكسه بمعنى الشريط الطولي الأول بدأ من تحت الشريط اللي بعده هايبدأ من فوق وهكذا  زي الصورة اللي أمامك وهانوضح ده إن شاء الله في الفيديو

 بعد مانخلص
بعد ما خلصت الكنبة الصغيرة   
بدأت عند الحروف أولع عود كبريت وأمشي على الحروف علشان العملية دي بتنمع إنه يفضل ينسل ويطلع فتل منه على فكرة بعملها في أي شريط ستان في شريط المصحف في الإجندة في التوك بتنمع إنها تنسل 


طبعاً الدباسة تقيلة مش سهلة

وعملية الشد عايزة مجهود جامد

خلصنا كنبة دي في يوم
اليوم التالي خلصنا الكنبة الكبيرة 
ودي صورتها

على فكرة زوجي معتقد إن دي أصعب مرحلة علشان ده الأساس لإن القاعدة كلها على الكاوتش وعندنا أولاد وتنطيط وكده
نظرياً ممكن نقول صح ولكن عملياً كانت أسهل حاجة مفهاش تشغيل دماغ خطوات معروفة وبتخلص بسرعة يمكن الكنبة الأولى كنا بنشتغل براحة وبحرص وبعد كده خلاص عرفنا الطريق خلصت الكنبات الأربعة والحمد لله وكنت عارفة الصعب لسة جاي
المواقف في هذه المرحلة والصعوبات
1-لاسعات كتير من الكبريت لإن الكمية كانت كبيرة 
2- دم وتعوريات لإني كنت بتعامل مع الدبابيس عادى علشان كانت ظاهرة لي انها خفيفة وعادية ولكن الدبوس موس خلي بالك إتعاملي معاه بحذر
3-خرجت من عملية التدبيس وتركيب الكاوتش صوابعي منفوخة وإيدي مش قادرة أفتحها وألام رهيبة في إيدي وكام مرة أدهنها زيت زيتون كتيرعلشان أعرف أنام علشان أقدر أحركها وده بسبب استعمال الدباسة كتير بصراحة كانت متعبة جداً بالنسبة لي ولكن أعتقد إن السبب إني كنت عايزة أخلصه بسرعة فكنت بشتغل كتير وبدبس دبابيس كتير لكن لو كنت مش مستعجلة وبعمل براحة كانت الدنيا هاتكون أسهل من كده ...أوعي تقلقي عادي
إستريحت بعدها كام يوم علشان مش عارفة أشتغل بإيدي ولا أدبس حاجة تاني
 4- أصعب موقف كان بالطبع في أول كنبة بعد ماأقفلتها وفرحانة وزوجي نازل يتفرج والله ينور راح قالي دي في غلطة
غلطة ؟؟؟؟؟؟؟؟؟؟
راح قال لي..... أه 
 طلع الخطأ نظري زغلل ولم أخذ بالي إني ركبت الشرايط كلها تحت مش تحت وفوق يعني الشريط الطولي الأول بدأ من تحت و داخل امامي فوق وتحت ولكن هو مش كده لإن الشريط الطولي اللي جانبه بدأ زيه من تحت  جعلني أفك أول كنبة والفك مع كمية الدبابيس اللي كنت حطتها كان صعب بصراحة ابني يحيى ثاني ابتدائي اقعد عليها براحة وبالزرادية فكها معايا الأصعب اني مش عايزة اضيع الشرايط اللي فكتها ولكن اتقصت بعد الشد فكل واحدة نصف الكنبة هامسك منين واشد من ايه كنت بمسك بفمي الشريط واشد بأقصى قوتى لحد ماوصل لنهاية الكنبة وفمي على حرف الكنبة وبنتي بجانبي سادس ابتدائي تدبس على طول وبسرعة لإني بكون خلاص على الأخر من الشد
والحمد لله الذي بنعمته تتم الصالحات كنت فرحانة بشكلهم بصراحة وقلت الحمد لله أول مرحلة خلصت إن شاء الله ربنا ييسر في الباقي (الخوف والقلق الحقيقي)
إنتظروني مع وعد بلقاء أخر 
موعدنا القادم مع المرحلة الثانية وهى تركيب الأسفنج
أترككم في رعاية الله وحفظه 
أختكم في الله أم أسوة

مزيد من المعلومات »

الحلقة الثانية:الادوات والخامات المستخدمة في عملية التنجيد

أرجو ان يعجبكم الموضوع ويكون مفيد لكم ....تجربتي الشخصية قد تنجح معك أو تفشل ....فعليك ان تأخذي منها مايناسبك وتتركي ما لايناسبك ...عليك أن تجربي وتفشلي وتنجحي هكذا الحياة...ان اصبت فمن الله وان اخطأت فمن نفسي والشيطان....أختكم فى الله أم أسوة

السلام عليكم ورحمة الله وبركاته

اهلا ومرحبا بكم معنا في الحلقة الثانية وهي اللي هانتكلم فيها عن الخامات والأدوات المستخدمة في عملية التنجيد إن شاءالله وسيكون الموضوع موضح بالصور والاسماء والأسعار....

لما قررت خلاص اني انجد بدأت اتفرج على كل الفيديوهات اللي سجلتها في التنجيد ولكن للأسف لم أجد ما أريده بالظبط ولكن فتح لي المجال في بعض الخطوات وبعض الطرق المستخدمة في عملية التنجيد وكنت أشاهدها كثيراً لجمع الخامات والأدوات اللي هاستخدمها بمشيئة الله

وبالفعل بعد عملية المشاهدة بدأت ادور من خلال البحث في جوجل على أسماء الخامات اللي هاستخدمها .

أجمعت أمري وبدأت أكتب الطلبات ونزلت بصراحة لم اكن اعرف ما أحتاجه بالظبط كان في حاجات سهلة ومعروفة زي القماش الكاوتش الدبابيس الدباسة وفي حاجات مش عارفة اجيب منها ايه وكام زي الاسفنج ولكن كتبت الطلبات  ونزلت اشتريت اللي كتبته اشتريت كل ما يخص الأساسيات الأولى ثم نزلت مرة ثانية أكملت فيها مشترياتي التي كنت عرفتها من خلال العمل المبدئي من مشتريات المرة الأولى
ولكن الأن أنا جمعت لك كل مايمكنك إستخدامه في عملية التنجيد ولكن ممكن يكون هناك إضافات حسب الموديل الذي تريديه 
الخامات كالأتي:

١/الكاوتش أوالسوست:

أول حاجة في التنجيد تركيب الكاوتش أو السوست اتفرجت على ده وعلى ده ولكن الأفضل بالنسبة لي وجدته في الكاوتش ....

2/ الأسفنج:

الأسفنج ده بمزاجك يعني ايه هو بيكون مقاسات كتير وانتي براحتك عايز الظهر عريض عايزة اليد ضخمة عايزة القاعدة رفيعة أو عريضة هاتشوفي الموديل وتجيبي المقاسات اللي تعطيك هذا الشكل.

هاقولك انا اخترت ازاي الأسفنج في حلقة اختيار وشراء الخامات.

3/ فيبر رول:

وده عبارة عن فيبر رول واحد مش مقطع وهذا النوع من الفيبر بنستخدمه في التنجيد الأساسي وشلتة قاعدة الكنبة .

4/ فيبر عادي:

وده فيه أنواع وأسعار
النوع الأول: اللي بيتغسل وده ليه سعر أعلى  ويستخدم في الشلت اللي ملهاش سوست علشان تحطيها في الغسالة بالكسوة  لو انتي هاتغسليها .
النوع الثاني : مش بيتغسل وده أرخص وبتجيبيه في الشلت العادية اللي بالسوستة تفكي السوستة وتفصلي الشلتة عن الكسوة الخارجية وتحطي الكسوة في الغسيل وبعدين تركيبها بعد ماتنشف.

وده انا جبت منه علشان كنت عارفة أن الشلت عندي هاتكون بسوست وحجمها هيكون كبير ولكن لو استقبلت من أمري ما استدبرت كنت جبت اللي بيتغسل علشان يكون في مساحة أكبر في موديلات الشلت.ولكن مش مشكلة .

6/قماش بفتة: 

وده فيه أربع أنواع بأربع اسعار 

النوع الاول : وده أرخص حاجة ال٣٠ متر ب٤٥جنيه وده زي الشاش هتلاقي كل شلت اللي موجودة في المنصرة معمولة منه افتحي الكسوة واتفرجي عليها (لم اشتري منه)

النوع الثاني: ود اتقل شوية ب٦٥جنيه ال٣٠ متر وده جبت منه للشلت

النوع الثالث : وده ال٣٠ متر ب٩٠ جنيه وده اتقل من الثاني عملت منه الفرشة اللي قبل الأسفنج 

النوع الرابع : وده الأفضل هو المتر منه ب٥جنيه يعني ال٣٠ متر ب١٥٠ جنيه جامد وماسك نفسه وده احسنهم بصراحة ويفضل انك تجيبي منه كل حاجة بصراحة

ده هتلاقيه عند بتوع التنجيد مش شرط محلات القماش وده انا جبت منه لتغطية الكنب من اسفل

بيتم وضعه على الكاوتش قبل الأسفنج ليه؟ علشان مايحصلش احتكاك بين الاسفنج والكاوتش للحفاظ على طول عمر الاسفنج .

ويتم عمل الشلت منه ويتم تغطية الكنب من اسفل

7/القماش الخارجي

وده بتنزلي اي محل قماش واشهر منطقة قماش في مصر شارع الازهر في العتبة  لتعدد الاختيارات والألوان والخامات بتاعة القماش انا عن نفسي اشتريت كتان علشان يستحمل وعلشان التنظيف حلو سادة والمشجر بتاعه لون الموف بصراحة هو اللي عجبني والقماش ده حسب راحتك طبعا القطيفة انعم ولكن عندي أطفال هايتبهدل والاثنين كانوا نفس الثمن كان المتر ب٧٠
من هنا الى هنا وقف على ٦٠ انا كنت عايزه ٤٥متر زوجي سأله التوب كام متر على بعضه قال له ٤٥متر وبيجي متر زيادة فزوجي قال هاخذه بكام من الاخر عايز سعر جملة زوجي قال له ٥٥ جنيه من الاخر المهم قطع الراجل المشجر وده شغال في المحل كان عشرة متر المهم جاء صاحب المحل وقال ماينفعش ال٥٥جنيه ممكن ٦٠ زوجي قال خلاص هانمشي ونتفرج ونشوف الأسعار طبعا قالوا لنا خلاص ماشي وزوجي لم يأخذ التوب كده جعل الراجل يقيسه ويفك التوب علشان نتأكد من ال٤٥متر مظبوطين وبالفعل طلعوا مظبوطين.

لازم تخلي بالك من الفصال ويكون معاك حد شاطر والفرجة على القماش كويس علشان اي عيوب لا تتفاجئي بها لما تروحي البيت والمشوار مكلف جهد ومواصلات وشيلة تقيلة
ومهم مراجعة الفلوس وعدها مهم كل الحاجات دي تخلي بالك منها وانتي هناك.

8/كرتون

عادة وكل اللي اتفرجت عليه أن الكنبات بتكون مغطاة بقماش من الظهر خفيف ثم قماش الكسوة وأحيانا بيكون لون او قماش تاني علشان يوفر في قماش الكسوة ماعدا الركنة ولكن انا حبيت الظهر يكون جامد وماسك نفسه

هي عبارة عن لوحات كرتون مربعة بمقاسات واحدة توضع لظهر الركنات من الخلف وده مش اي حد بيعمله انا اكتشفته وانا بتفرج على ركنة وجدت ضهرها ناشف افتكرت أنه خشب وانا عارفة أن الركنات أو الكنبات بتكون فارغة من الخلف سألت الراجل قالي ده كرتون لما شفت الكرتون عند الراجل اللي بشتري الأسفنج سألته عليه  واشتريت الواحدة كانت ب٢جنيه اشتريت ١٠  استخدمت ٨ونصف

9/دباسة التنجيد

دباسة وهي ماكينة وأداة التنجيد الأساسية ..يوضع بداخلها دبابيس لتدبيس الكاوتش و القماش في الخشب انا اشتريتها من العتبة استيراد تايوان

10/دبابيس
 العلبة فيها ٥٠٠ دبوس انا استخدمت في الركنة ٤علب علشان انا فكيت حاجات كتير علشان التظبيط

11/غراء (لزق )
 لعملية الصاق الاسفنج

  وده نوعين
 النوع الأول: عادي بالفرشاة وده بيكون لزوجته تقيلة وبيجف بسرعة


ده العادي اللي بالفرشة ولكن بصراحة تقيل وصعب وبيخلص بسرعة


وده من الخلف
النوع الثاني :الرش بالكمبورسور وده بيكون خفيف وسهل في استعماله وفيه بركة وبيمسك حلو جدا


ده شكل زجاجة الغراء الذي يوضع في جهاز الرش علبة لتر




هذا شكل الزجاجة ال3 لتر خلصت كلها على الركنة

دي اللي اشتريتها المرة الثانية اسمها البرنس مكتوب بالإنجليزي بتوضع في جهاز الرش (كمبورسور)
على فاكرة ممكن تأجري

الكمبورسور

بيتأجر في اليوم ب50 عند ناس و100 عند ناس تانية انا عارفة انه فرق ولكن ده اللي من واقع السؤال
أنا لم أستخدمه أنا استخدمت فرشة دهان نزلت اشتريتها

12/بعض الأدوات المساعدة

محتاجة طبعا 
مقص 
وماكينة خياطة 

طبعاً الماكينة لأنك بتحتاجي تخيطي القماش من أماكن معينة ولو قلت لك ان ممكن تعمليها عند خياطة ممكن بس انا بصراحة فكيت اكتر من مرة علشان اظبط شكل واظبط مقاس وكل شوية اظبط القماش واقيس وهكذا طول فترة العمل بتاعة القماش 

هل كل التنجيد يحتاج إلى ماكينة خياطة؟ لأ هناك موديلات وتصميمات كلها تدبيس القماش في الخشب ولا نحتاج الى الخياطة 

ونحتاج إلى بعض قطع القماش القديم من اى حاجة 

لإنك سوف تحتاجين لبعض الوصلات اللي هاتدخل في داخل الركنة ونشد منها وندبس تكون من قماش عادي علشان توفري في القماش الغالي

بكر خيط لون القماش اللي انتي جبتيه
وابر ماكينة
>>>>>>>>>>>>>>>>

أترككم على خير 
والله ولي التوفيق
أختكم أم أسوة

مزيد من المعلومات »

الحلقة الأولى: تفصيل الركنة الخشب

أرجو ان يعجبكم الموضوع ويكون مفيد لكم ....تجربتي الشخصية قد تنجح معك أو تفشل ....فعليك ان تأخذي منها مايناسبك وتتركي ما لايناسبك ...عليك أن تجربي وتفشلي وتنجحي هكذا الحياة...ان اصبت فمن الله وان اخطأت فمن نفسي والشيطان....أختكم فى الله أم أسوة

السلام عليكم ورحمة الله وبركاته

أخواتي في الله اليوم أبدأ معكن بالتحدث عن تجربتي فى عالم التنجيد موضحة لكم على قدر ما أستطيع ماقمت به لعله يفيد أياً منكن بمشيئة الله لن أبخل عليكن بمعلومة أو نصيحة الى ما يسقط مني سهوا وهى بداية وليست نهاية فالمجال مفتوح للجميع في التطوير والأفكار والإبداع وكلاً منا لها بصمة مختلفة عن الأخرى فخذي مني ما يفيد ويضيف ولكن لا تغلقي على نفسك الباب في مشاهدة والتطلع ومتابعة أكثرمني خبرة إذا أرداتي أن تقومي بهذه التجربة أو أي تجربة أخرى وذلك في كل المجالات. 

وهذا ما أفعله لا أقتصر على مشاهدة أو متابعة قناة او موقع أوشخص واحد بل أتجول هنا وهناك وأخذ من هنا وهناك شيء ومن هذه فكرة ومن هذه طريقة ثم أضع تصميمي أو ما أريد حتى يكتمل عندي الموضوع ثم أقوم بالعمل حتى يخرج لي بعض المشاكل او بعض الفنيات التي لا أستطيع أن أجدها في أي مكان فأحاول حلها والتفكير في عالجها ومن هنا نكتسب الخبرة ونضع بصمتنا.

البداية تبدأ من

حيث أردت أن أقوم بشراء ركنة للبيت فوجدت ماهي رخيصة ولكنها بمستوى متدني من التفصيل والشغل المتقن ووجدت ماهى باهظة الثمن بشكل مبالغ فيه بسبب استخدام الخامات ووجدت ماهو متوسط بين الأثنين شغل جميل ومبلغ في الوسط ولكن كله كان في البداية غالي بالنسبة لي

الركنة الرخيصة من 2500 الى 5000و6000 جنيه  وهذا في التوحيد والنور والمعارض اللي في الشارع والمنصرة وكل ما رخصت عن ال5000 كانت سيئة للغاية من قماش وتفصيل وخشب وكلما زدات عن 8000 كانت الجودة عالية وجيدة وهناك ما تعدى ال10000فيما فوق في الأماكن المعروفة والمشهورة.

والمكان الذي أحتاج فيه الركنة كبير يحتاج الى ركنتين من الرخيص (ولكن أفضل من المتدني خالص) هو في سعر ال5000 للركنة الواحدة يعني أحتاج الى 10000جنيه للركنتين ومن الحاجة الكويسة اللي ممكن أشتريها8500 للركنة الواحدة يعني أحتاج الى 17000 للركنتين.

وأنا أحب أن أتابع اليوتيوب وخصوصا فيديوهات الأجانب  وبعض من الفيديوهات العربية وجدت حلقات كثيرة عن قيام نساء بتنجيد الكراسي والكنب والشلت فقررت أن أخوض هذه التجربة وقد راقت لي بل كنت أريد صنع الركنة الخشب بنفسي ولكن عرضت على زوجي أن يساعدني ولكن لم يحبذ الفكرة لإننا ينقصنا الأدوات الكثيرة وسنحتاج الى فنيات النجارة والوقت الذي سنستغرقه في الصنع وقرر أن نختار نجار لصنع الركنة ثم يتركني أقوم بتنجيدها وبالفعل قررت السؤال والتقصي عن تكلفة الركنة الخشب.

وطبعاً ممكن خلال مرحلة التقصي تسمعي أرقام غريبة من ناس غريبة وكانت معايا في أول واحد أسئله كنت بصلح شماعة عندي في البيت وكنت محتاجة حاجة لها من النجار نزلت ادور على نجار عندي في المنطقة ولما وجدته جبت الحاجة وقلت أسئله قالي الركنة هتتكلف 7500 من هنا وهنا هاينزل 500 وكفاية 7000جنيه وتنجيدها ممكن يدخل في كام يدخل ل15000 خرجت مصدومة وهذا جعلني أفكر وأخبر زوجي أن نأتي بالخشب من أي نجار مقطع بالمقاسات المطلوبة ونجمعه...المهم في نفس اليوم وفي نفس المكان بين النجارين مسافات قليلة قلت أدخل أسأل علشان أعرف الخبر اليقين ووجدت ان الرجل يخبرني بعد إعطائه المقاسات التقريبية ان التكلفة من 2500 الى 3000 نفس نوع الخشب الزان الأبيض هو الأفضل والأفضل منه الزان الأحمر ولكن هذين النجارين قالا انهما سوف يتعدان ال6000 فيما فوق ثم سألت نجار ثالث ووجدت ان تفصيل الركنة الخشب بمقاسات المكان عندي من الزان الأبيض تترواح في حدود ال3000 جنيه ممكن تزيد وتقل قليلاً.

المهم زوجي أخذ يسأل ليبحث عن نجار من خلال المعرفة فوجد نجار فاضل أتصلنا به وجاء ليأخذ المقاسات وكان أمين جداً وأصبح يتحدث مع زوجي ويقلل أويزيد في كل مقاس ليستفيد من لوح الخشب ولا يهدر فيها وأخبره انه ممكن يعمله اى مقاس ولكن هو يخبره بالمقاسات التي توفر معه المبلغ والخشب بحيث لا يزيد علينا المبلغ بجزء كبير من أجل 10 و20 سم زيادة في المكان أنا كنت أسمع الحوار وكان النجار يسجل كل طالباتنا وملاحظاته وكان يتبقى التربيزة وكنت حضرت قبل مجيئه أشكال عديدة من النت كلها تروق لي وتركت زوجي يقارن بينها ويختار ما يجده أفضل حتى اختار واتفقنا على واحدة كبيرة في الوسط وسيكون هناك تربيزة صغيرة عند عامود هايفصل بين الركنتين قام زوجي بإرسال صورة التربيزالأساسية الكبيرة له على الواتس أما الصغيرة فقد رسمها في ورقة وترك النجار لنا شراء الارجل ونزلت الرويعي في العتبة انا وزوجي واشترى زوجي من هناك الأرجل ستجدي الأنواع المختلفة والمتعددة والأسعار المختلفة .

 وكان مع النجار صورة لركنة قام بتفصيلها وإعطائها لمنجد يعرفه ليقوم بعملية التنجيد وأخبرني ان التنجيد سوف يكلف في حدود ال2500 للركنة الواحدة تزيد وتقل حسب الخامات والتصميم يعني تقريباً من 5000الى 6000 ولن تزيد فأخبره زوجي ان التنجيد علينا

الى الأن أنا سعيدة بطريقة النجار الى أن أخبر زوجي انه سيأخذ شهر في تفصيله ما هذا انتظر شهر كامل ولكن ما بيد حيلىة فطلب النجار من زوجي عربون لشراء الخشب فأخبره زوجي أننا سنستخير ثم نتصل به وبعد الاستخارة والاستشارة وجدنا هذا النجار هو أفضل الحلول بالنسبة لدينا .

وفي خلال هذه الفترة اتردد مابين ان انجد عند المنجد واخلص او ان أخوض هذه التجربة مع احتمال النجاح أو الفشل 

انتظرت ثلاثة اسابيع حتى اخبر النجار زوجي بالانتهاء من الركنة وعلينا ان نقرر التنجيد ام لا حتى لا تتضاعف تكلفة النقل لإن النجار في مكان بعيد فالنقل يحتاج ال200 جنيه فليس من المعقول أحضره ثم أذهب به مرة ثانية لمنجد وهنا اتردد واشعر بالخوف والمسؤلية في ان واحد هل اقوم بهذا ام لا حتى قررت ان أخوض التجربة مع خوفي وتحمل مسؤلية القرار والتكلفة إن فشلت ولكن قررت لخفض التكلفة سبب أساسي ولكن كان مهم بالنسبة لي دخولي عالم جديد وتعلمي شيء ممكن استخدمه في أشياء كثيرة في بيتي حيث ان لدي انتريه كبير يحتاج الى تجديد وكذلك صالون قديم كنت اريد التخلص منه ولكن قررت ان استفيد منه بالتجديد كما فكرت في ان كل ما يتبقى من عملية التنجيد من خامات كالقماش والفيبر وغيرها سأستفيد منها في أعمال كثيرة أخرى.

المهم جاء الموعد لحضور الركنة وكنت سعيدة لحضورها بصراحة وقلت الحمد لله الذي بنعمته تتم الصالحات وعقبال الباقي

ووجدت ان التفصيل كان أفضل بكثير من حيث خامة الخشب فقام النجار باستخدام الخشب الزان الأحمروهو أفضل من خشب الزان الأبيض ليس في الركنة كلها ولكن استخدمه بنسبة كبيرة للحفاظ على التكلفة الممكنة ثم وجدت التخانات عريضة ومحملة والركنة تقيلة مش خفيفة وحاجات مختلفة عن الجاهز اللي شفته ممكن يكون هناك أماكن كويسة ولكن كله بحسابه ولكن المستوى اللي في المنصرة في الركنات كان الخشب حاجة مختلفة عن التفصيل  ومعظم الركنات في المنصرة من غير تربيزة واللي بالتربيزة حاجة بصراحة مش حلوة خالص اللي هاتشتري من المنصرةلابد من نجار معاها.

 أترككم في رعاية الله وحفظه 

ومع الصور مع وعد بلقاء أخر في الحلقة الثانية لنتكلم عن الخامات والأدوات المطلوبة لعملية التنجيد

أختكم في الله أم أسوة 

هي دي الركنة المفروض اني أنجدها إن شاء الله

مزيد من المعلومات »

الحلقة الرابعة: الحديث لإطفالنا المستوى الأول

أرجو ان يعجبكم الموضوع ويكون مفيد لكم ....تجربتي الشخصية قد تنجح معك أو تفشل ....فعليك ان تأخذي منها مايناسبك وتتركي ما لايناسبك ...عليك أن تجربي وتفشلي وتنجحي هكذا الحياة...ان اصبت فمن الله وان اخطأت فمن نفسي والشيطان....أختكم فى الله أم أسوة

السلام عليكم ورحمة الله وبركاته


هذه بعض الأحاديث التي وجدتها في النت وكل حديث تحت عنوان مهم وهذا من أجل أن نعلم ابننا وبنتنا بعض أمور الدين المهمة من خلال الحديث 

كل ماعلينا أن نعطى حديث واحد كل يوم ونشرحه لهم ونجعلهم يعبروا عن فهمهم للحديث
أنا أحضرته لإبنتي الثمان سنوات وابني الست سنوات 
ومطلوب أنه يحفظ الحديث ومتفق عليه او مسلم أوبخاري ونعرفه متفق عليه يعني مسلم وبخاري
وأنا طبعته على وورد وأعطيته لإبنتي الثمان سنوات ليسهل عليها مراجعته وحفظه في أي وقت وهي تعطي أخوه كل يوم حديث مما حفظته

الأحاديث النبوية

الإخـلاص

1-    قال رسول الله صلى الله عليه وسلم : «إنما الأعمال بالنيات وإنما لكل امرء ما نوى» [متفق عليه]

اتبـاع السنـة

2-    قال رسول الله صلى الله عليه وسلم :

«عليكم بسنتي وسنة الخلفاء الراشدين المهدين وعضوا عليها بالنواجذ» [رواه أبو داوود والترمذي]

حـق الله على عبـاده

3-    قال رسول الله صلى الله عليه وسلم : «حق الله على العباد أن يعبدوه ولا يشركوا به شيئا،
 وحق العباد على الله أن لا يعذب من لا يشرك به شيئا» [رواه مسلم]

الإســلام

4-    قال رسول الله صلى الله عليه وسلم : «الإسلام أن تشهد أن لا إله إلا الله وأن محمداً رسول الله وتقيم الصلاة وتؤتي الزكاة وتصوم رمضان وتحج البيت إن استطعت إليه سبيلاً» [رواه مسلم] .

الإيمــان

5-    قال رسول الله صلى الله عليه وسلم : «أن تؤمن بالله وملائكته وكتبه ورسله 
واليوم الآخر والقدر خيره وشره» [رواه مسلم] .

الإحســان

6-    قال رسول الله صلى الله عليه وسلم : « أن تعبد الله كانك تراه فأن لم تكن تراه فأنه يراه» [رواه مسلم]

البــدعــة

7-    قال رسول الله صلى الله عليه وسلم : «من أحدث في أمرنا هذا ما ليس منه فهو رد» [متفق عليه]

شعـب الايمـان

8-    قال رسول الله صلى الله عليه وسلم: «الإيمان بضع وسبعون شعبه فأفضلها قول لا اله الا الله وأدناها إماطة الأذى عن الطريق, والحياء شعبة من الإيمان» [متفق عليه]

الصــلاة

9-    قال رسول الله صلى الله عليه وسلم <<أحب الأعمال إلى الله الصلاة لوقتها  ثم بر الوالدين, 
ثم الجهاد في سبيل الله» [متفق عليه]

صلاة الجماعة

10-     قال رسول الله صلى الله عليه وسلم: "صلاة الجماعة أفضل من صلاة الفرد بسبع وعشرين درجة"؛ رواه مسلم من حديث الحارث بن عاصم.

الصـدق والكـذب

11-     قال رسول الله صلى الله عليه وسلم : « إن الصدق يهدي إلى البر وإن البر يهدي إلى الجنة وإن الرجل ليصدق حتى يكتب عند الله صديقا وإن الكذب يهدي إلى الفجور وإن الفجور يهدي إلى النار وإن الرجل ليكذب حتى يكتب عند الله كذابا » [متفق عليه]

قـراءة القـرآن

12-     قال رسول الله صلى الله عليه وسلم : «اقرؤوا القرآن فانه يأتي يوم القيامة شفيعا لأصحابه» [رواه مسلم]

13-      قال رسول الله صلى الله عليه وسلم : «خيركم من تعلم القرآن وعلمه » [رواه البخاري]

الكلمة الطيبة

14-        قال رسول الله صلى الله عليه وسلم "الكلمة الطيبة صدقة "متفق عليه من حديث أبي هريرة.

إكرام الضيف

15-       قال رسول الله صلى الله عليه وسلم: "من كان يؤمن بالله واليوم الآخر، فليكرم ضيفه"؛ 
متفق عليه من حديث أبي هريرة.

حب الخير للناس

16-       قال رسول الله صلى الله عليه وسلم: "لا يؤمن أحدكم؛ حتى يحب لأخيه ما يحب لنفسه"؛ متفق عليه من حديث أنس.

راقـب ربـك

17-   قال رسول الله صلى الله عليه وسلم : «اتق الله حيثما كنت واتبع السيئه الحسنه تمحها 
وخالق الناس بخلق حسن » [رواه احمد وابو داوود]

حـدود الطاعـة

18-  قال رسول الله صلى الله عليه وسلم : «لا طاعة لمخلوق في معصية الخالق » [رواه أحمد]

كــن قــويـا

19-    قال رسول الله صلى الله عليه وسلم : «المؤمن القوي خير وأحب الى الله من المؤمن الضعيف وفي كل خير » [رواه مسلم]

كلمـات مـن نـور

20-     قال رسول الله صلى الله عليه وسلم لابن عباس : «يا غلام إني أعلمك كلمات احفظ الله يحفظك , 
احفظ الله تجدك اتجاهك, إذا سألت فاسأل الله, واذا استعنت فاستعن بالله » [رواه احمد والترمذي –وصححه الالباني]

اختر صاحبــك

21-       قال رسول الله صلى الله عليه وسلم : «المرء على دين خليله , فلينظر أحدكم من يخالل » [رواه الترمذي]

الغيبــة والنميمــه

قال الله تعالى : {وَلَا يَغْتَب بَّعْضُكُم} [سورة الحجرات 12 ]

22-      قال رسول الله صلى الله عليه وسلم عن الغيبة انها : «ذكر أخاك بما يكره» [رواه مسلم]

23-        قال رسول الله صلى الله عليه وسلم : «لا يدخل الجنة نمام» [رواه مسلم]

احـذر الغـش

24-    قال رسول الله صلى الله عليه وسلم : «من غشنا فليس منا » [رواه أبو داوود ]

احـذر التشبـه

25-    قال رسول الله صلى الله عليه وسلم : «من تشبه بقوم فهو منهم » [رواه احمد وأبو داوود]

الهدف 
من خلال هذه الأحاديث أكون وضعت لإبني و بنتي بعض قواعد الدين الأساسية في حياته من توحيد وفقه وأخلاق 

ربنا ينفعهم بما يتعلموه 
ياريت أكون أفدتك 
أختكم /أم أسوة

مزيد من المعلومات »