Read my blog in your own language

EnglishFrenchGermanSpainItalianDutchRussianPortugueseArabic

نصائح فى عمل الحلويات

الثلاثاء، مايو 21، 2013
0 التعليقات
أرجو ان يعجبكم الموضوع ويكون مفيد لكم ....والرد عليه ولو بكلمة شكراً إذا أضاف لكم جديد وتذكروا من لم يشكر الناس لم يشكر الله تعالى....ان اصبت فمن الله وان اخطأت فمن نفسي والشيطان....أختكم فى الله أم أسوة

 1- لما تيجى تعملى كيكة اوعى تعملى اى حاجة فى الكيكة وهى ساخنة لازم تبرد تماماً
2- يفضل بعد ان تبرد الكيكة تغلفيها كويس وتزوقيها تانى يوم وهذا لأن الشغل معها بيكون افضل وتكونى مش مرهقة
3- يفضل ان يكون يوم الحلوى هو يوم خالى من الطبخ يعنى يكون عندك اكل ومش هاتطبخى لإن يوم الحلوى مرهق وبيأخذ وقت كبير ويكون ذهنك مركز مع الحاجة الحلوة مش مع اى حاجة تانية وخصوصاً لو الحاجة حلوة فيها شغل كتير.
3- لابد ان تجهزى كل ادواتك اللى هاتستخدميه قبل ما تبدئى فى تزويق اى حاجة يعنى باجهز الكريمة اللى هاحشى بيها والسكاكين والطبق اللى هاحط عليه الحاجة الحلوة واى صوصات هاستخدمها ثم ابدء العمل فى الحاجة الحلوى سواء بسكويت او تورتة او او.......

4-لابد عندما تقدمين على تزويق تورتة او بسكويت اواى حاجة حلوة محتاجة ابداع يجب وضع تصور واضح قبل التزين يعنى لازم تعرفى اى الأشكال او الرسومات اللى هاتعمليها فى الحاجة الحلوة علشان ماتتعبيش وتطلع الحاجة شكلها وحش حتى لوطعمها حلو وده ممكن تفتحى النت يديكى خطوط البداية وانطلقى انت فى الإبداع
 
5- لما احب ازوق الكيك على الطبق اللى هاقدم فيه علشان خايفة ازوقها فى مكان ولما احب انقلها لطبق التقديم ماعرفش .....هابدء اضع المفرش الأبيض البلاستيك وده اللى هايكون عليه التورتة وهاتتقدم عليه واضع عليه ورقتين من ورق الزبدة مش فوق بعض ولكن جنب بعض والكيكة تكون عليه علشان يقع عليها زيادة التزويق ثم اسحب الورقة من اليمين والتانية من الشمال وتكون التورتة فى شكلها النهائى على المكان اللى هاقدمها عليها

ولو مفيش ورقة زبدة اى جلاد هدايا اقسميه وحطيه على الصينية
مفيش ورق الهدايا ورقة نتيجة قديمة وانا باحتفظ بكل حاجة مش برمى حاجة ....اقلبها على الجهة البيضاء


ده بعد ماقلبتها وقصتها على اد الكيك بتاعى علشان انا نويا انقلها
ويمكنك الإستغناء عن حامل تزين الكيك بانك تقلبى صينية الكيك اللى انتى عملتى فيها وتحطى الكيك وتزوقيه
علشان الجيش بيقولك اتصرف
ولكن فائدة الحامل انه شيك ويكون هو طبقك لتقديم الكيك ولكن انا بقول الحلول العملية لو انا نفسى اعامل حاجة وماعنديش أدوات ومش هاقدر اجيب.
فكرتى هو انى عندى اطباق للتقديم وعندى الحل ده فى التزين يبقى خلصت يبقى لما افكر اشترى حاجة اشترى حاجة مش ممكن الاقى بديل لها عندى ولكن اللى عندها مقدرة طبعاً الحامل كويس

ولما اكون مش نويا انقلها باحط الورقتين جنب بعض واحط الكيك وازوق

 
هذه خبراتى المحدودة وكل ما هاعرف جديد هاقولكم ان شاء الله




 

 
مزيد من المعلومات »

أصابع الجلاش الحلو

الثلاثاء، مايو 07، 2013
0 التعليقات
أرجو ان يعجبكم الموضوع ويكون مفيد لكم ....والرد عليه ولو بكلمة شكراً إذا أضاف لكم جديد وتذكروا من لم يشكر الناس لم يشكر الله تعالى....أختكم فى الله أم أسوة
المقادير مفيش أسهل من كده
لفة جلاش
زبدة
مكسرات للحشو(اى نوع اقلها سودانى وانتى وزى ماتحبى وزى ماتقدرى بندق او لوز او.....او خليط من كذا واحد طبعاً علشان انا باعمل كمية مش ممكن اقدر احط كله بندق او لوز ولكن باجيب تمن لوز وتمن بندق وكيلو سودانى واقشره وادقهم مع بعض يبقى انا رفعت من قيمة الجلاش بسعر معقول علشان التوفير مطلوب
شربات
عسل أبيض
طبق للغرف
 

اقسم الجلاش بالطول اربع اوثلاث اقسام حسب لفة الجلاش وحسب الحجم اللى انا عايزه

واجيب واحدة بالطول وادهنها كلها بالزبدة واضع عليها ورقة الجلاش الأخرى بالعرض
أضع الحشو بتاعى
واقفل على الحشو بورقة الجلاش من الجهتين ثم الفها 
وهذا شكلها وتكون عريضة ومكن حشوها بالقشدة او الكريمة
 
ولو عايزاها اصابع رقيقة ملفوفة تبقى ورقة واحدة والفها
 
هذه ارفع من الأخرى 
 
ثم ارصه فى صينية فرن مدهونة وارش عليه زبدة سايحة ثم ادخله الفرن على درجة حرارة متوسطة حسب فرنك واخلى بالى علشان هو مجرد ما يحمر من تحت اطلعه على الشبكة واعلى شوية واشغل الشواية واقف جانبه لحد مايدينى درجة اللون الذهبية من فوق اطفى وارش الشربات
وهذا شكلها الأصابع بععد ما استوت
وهذا الشكل العريض بعد السوى
وهذا شكل التقديم عليه معلقة شربات ورشة جوز هند

وهنا لما باعمل كمية باحفظها فى علبة بلاستيك وفى الثلاجة علشان الضيوف ولكن مفيش حاجة بتقعد لما يكون عند 3 وحوش صغيرين يفضلوا راحين جاين على التلاجة لحد لما يخلصوه
وبالهنا والشفاء ليهم وليكم  




 

 

 

 

 
مزيد من المعلومات »

المينى كيك

الأحد، مايو 05، 2013
0 التعليقات
أرجو ان يعجبكم الموضوع ويكون مفيد لكم ....والرد عليه ولو بكلمة شكراً إذا أضاف لكم جديد وتذكروا من لم يشكر الناس لم يشكر الله تعالى....ان اصبت فمن الله وان اخطأت فمن نفسي والشيطان....أختكم فى الله أم أسوة


 
مقادير الكيك هنا

مقادير الكيك عملتو فى صينية مربعة ودى كيكة بيضاء

ودى كيكة بنى مضاف لها كاكاو

 
 بأى قطاعات لها أشكال تحبيها قطعى الكيك انا بحب شكل الوردة
 
هذا شكل القطاعات ولكن انا استخدمت الكبيرة
 
 هذا شكل الكيك بعد التقطيع رصيته فى صينية
 هنا يوضح عدد القطع اللى بحصل عليها حوالى 19 واحدة
من الزيادة اللى فاضلة احاول اقطع بالقطاعات الصغيرة
 
 هنا باغلفها بكيسة بلاستيك علشان ازوقها تانى يوم
بجمع كل البواقى واحطها فى الكيس واعملها كرات شوكولاتة وممكن اشيلها فى الفريزر لحين استخدامها فى وقت لاحق
حان وقت التزين
 
 

انا بزوق على السطح البنى علشان هو متساوى
هنا انا عاملة كيكتين ابيض وروز باخذ نصف من البيضاء واضعه على نصف من الروز
لما بتكون عالية باقسمها من الوسط واحشيها كريمة ولما تكون ارتفعها قليل بازوق السطح فقط

 شوكولاتة سادة مذابة بنى وبيضاء
انا هنا ممكن اغطس الكيكة كلها فى الشوكولاتة  او بالمعلقة اصب على السطح واسيبها تنزل من الجوانب
 الصورة هنا بتبين الكيكة المغطسة واللى على السطح
 وبعد كده اشيلها فى الثلاجة لحد ماتجمد الشوكولاتة ثم اخرجها علشان ازوق بالشكولاتة البيضاء

 استخدمت الحقنة لسحب الشوكولاتة وعمل هذه الخطوط
ولكنها متعبة زى المكنة البلاستيك بتاعة كريمة الشانتيه ولكن احسن شوية منها وتنفع فى الحاجات الصغيرة  ولكن مفيش اسهل من الكيس الخاص بالكريمة
 
وهنا وضعت الشكولاتة وعليها الفروالة علشان تجمد معها
 

وهنا بالحقنة عملت هذه الخطوط البيضاء
حلوة وخفيفة وسهلة للأولاد وعملية فى الحفلات والرحلات
 
 
 

 
 
مزيد من المعلومات »
 

سجل بريدك عندنا ليصلك جديدنا

Google+ Followers

مرحباً بكل متابعينا ومستنينك ويانا....

Share It

عدد مرات مشاهدة الصفحة .. ويارب يزيد ويبارك

عن أم أسوة

صورتي
أنا امرأة أهتم بكل ما يقربنى من ربي أولاً، واهتم بكل ما يسعد اسرتى (زوجى واولادى) ثانياً، واسعى الى هدف واحد وهو كيف اجعل من حياتي فى الدنيا هى  زداً لي فى الآخرة. موقع  كوني أسوة