Read my blog in your own language

EnglishFrenchGermanSpainItalianDutchRussianPortugueseArabic

تسييح وإذابة الشوكولاتة الخام البنى

الاثنين، مارس 26، 2012


معلومات مهمة عن كيفية تسيح الشوكولاتة الخام البنى


1- أفضل حاجة إنك تقطعى الشوكولاتة الخام الى قطع صغيرة يعنى تقطعى القالب الكبير ده الى مكعبات ثم تكسرى المكعب الى جزئين كما هو موضح بالصور.

بتحطى السكينة وبتغريزيها ثم اضغطى عليها بإيدك جامد ( او بإيد الهون زى ما بتفتحى علبة صلصة) وهى هاتنكسر بسهولة




2- أفضل طريقة لتسيح الشوكولاتة هو بواسطة حمام مائى
 على البوتاجاز عادى .



تضعى جزء يسيح ثم تضعى الجزء الأخر وهكذا كلما ساح جزء وضعتى الأخر...
لماذا؟ لإنك لو وضعتى كمية كبيرة ستأخذ وقت طويل جداً ولكن مع وضعك جزء صغير سيسيح بسرعة وعند وضع الأخر فحرارة الأول ستعمل على إذابة الثانى بسرعة وهكذا.
كما هو موضح بالصور

الحلة كان مطرحها شوكولاتة وانا بكمل عليها
 ماهو الحمام المائى
الحمام المائى هو إنك
هاتجيبى حلة وتحطى بيها ماء ثم تجيبى حلة تحطيها جواها ولكن دون ان تصل الى القعر(هذا أفضل) بل تلمس الماء اللى فى الحلة 
شايفة الحلة الصغيرة بداخل الحلة الكبيرة
بس خلى بالك لإن وضع الحلة الصغيرة فى خطر حيث إنها ممكن يدخل لها الماء إذا حدث أى حركة فالجزء المثبت ناحية المعلقة ممكن يقع فى الحلة وتاخد شوية مية ...
طب إيه اللى هايحصل؟
اللى هايحصل ان الماء ساخن جداً هايجعل الشوكولاتة تمسك وتجمد ولايمكن رجوعها لحالتها الأولى


هو ده شكل الشوكولاتة لما دخل فيها ماء
طب ايه كده باظت ارميها!!!!
لأ طبعاً  هى طبعاً مش هاتنفع تصبيها فى قوالب واللى بتشغل الشوكولاتة مشروع يبقى لابد لها انها تخلى بالها علشان تحافظ عليها وتديها الكمية اللى هى عايزاها بدون خسائر وده سهل فى أيدك (مجرد تظبيط الحلة اللى هاتذوبى فيها الشوكولاتة وبما إنك هاتشتغلى يبقى لازم يكون عندك أدواتك علشان تطلعى إنتاج كويس) طب اللى مسكت دى هاعمل فيها ايه ؟
 لازم تفكرى ممكن تستغليها ازاى
شوفى انا عملت فيها ايه ...

دى خلطة بندق حطيتها وممكن تحطى بندق مطحون


وقلبت كويس وبدئت اعمل كور

واحطها على ورق زبدة

واسيبها تمسك وتجمد شوية ممكن احطها فى الثلاجة ولكن هما 10 دقايق تمسك شوية بس مش تجمد
بعد كده بطلعها من الثلاجة وبجهز ماء مثلج احط فيه ايدى وانشفها كويس جداً
 وامسك كورة كورة اشكلها تانى علشان احصل على كورة شكلها متساوى وباحط ايدى فى الماء المثلج علشان تكون ايدى نفس درجة حرارة الشوكولاتة علشان حرارة ايدى ما تسيحش الشوكولاتة
ثم اغمسها فى البندق ثم كليها همهم
 طب اعمل ايه ؟
ها تجيبى اى حلة بحيث يكون حجمها مناسب لحجم الحلة الأولى ...معنديش .. استنى لما اشترى .... لأ طبعاً لازم تكونى شاطرة وتفكرى فى أى حاجة عندك ولو تقدرى تشترى يبقى حلو (ممكن تجيبى صفاية وتحطيها وتحطى بداخلها الحلة اللى عندك وده حالى لإنى عندى اولويات كتيرة وباحاول دائماً استغل الحاجات اللى عندى وتنفع ولما اشترى اقوم اشترى اللى معنديش خالص)
شايفين شكل الصفاية


وده لما حطيت الحلة عليها
كده تبقى فى أمان
 ولكن لازم الماء الساخن يصل الى الحلة الصغيرة من خلال فتحات المصفاة
كيفية اذابة الشوكلاته بالصورطريقة اذابة

شايفين دى بعض الصور لشكل وطرق وضع حلتين او اناء زجاجى قابل للحرارة داخل اناء اخر به ماء بحيث يلامس الماء الإناء الزجاجى لكى تسيح الشوكولاتة بشكل جيد.


ماهى درجة الحرارة المناسبة لإذابة الشوكولاتة؟
 دائماً اسمع الشيفات على درجة الحرارة الخاصة لتسيح الشوكولاتة ويوجد مقياس لقياس درجة الحرارة الخاصة بالشوكولاتة وهى مهمة جداً لكى لا تنفصل المادة الدهنية للشوكولاتة
طب ده اعرفه ازاى وانا معنديش المقياس والحاجات دى؟
خذتى منى خبرتى ودى جت من كثرة المشاهدة والبحث عن الشوكولاتة 
1- سخنى الماء ولكن لاتجعيله يصل الى الغليان يعنى بمجرد تتكون ذرات او فقاعات صغيرة تدل على ان الماء اوشك على الغليان ( يعنى اول ما تحسى ان الماء خلاص سخن جامد دون ان يغلى وطى النار على طول على الهادى خالص علشان تحافظى على سخونة الماء دون ان تغلى.
2- لما توطى تبدئى تحطى الشوكولاتة علشان تسيح وتسيبى النار كده هادية وعليها الحلة علشان كل ما تجمد الشوكولاتة تحطيها علشان تسيح لحد ما تخلصى.
3- طبعاً لما ترفعى الشوكولاتة من على النار أوعييييييي تصبيها فى القوالب على طول خليها تهدء وتصل لدرجة حرارتك يعنى تحطى اصبعك تكون باردة عليه وفى نفس الوقت سائلة.
4- لإعطاء لمعة للشوكولاتة بنحط معلقة زيت اوزبدة صغيرة بتزيد سنة وتقل سنة حسب كمية الشوكولاتة (ولكن خلى بالك علشان بتفصلش المادة الدهنية عن الشوكولاتة)
 وبنحطها بعد إذابة الشوكولاتة فى الأخر.
وفى النهاية هذا الفيديو فيه شكل وقوام الشوكولاتة
والفيديو ده للشيف أسامة السيد فيه ملخص لمعظم اللى قلته
 
ولا تنسونا من صالح دعائكم

وأنا فى إنتظار تعليقاتكم إن شاء الله
نقرتين لعرض الصورة في صفحة مستقلة


 









{ α. } في : الاثنين, سبتمبر 17, 2012 10:33:00 ص يقول...

الله يجزيك كل خير استفدت كتير كتير من المعلومات هي ،
عندي قالب شوكلاتة مر ومحتاسة شو اعمل فيه بس للاسف مطعم شوي يعني آخد طعم البهارات بالفريزر عندك حل لهالشي؟

{ شادية أحمد } في : الخميس, سبتمبر 20, 2012 3:05:00 ص يقول...

حبيبتى طبعاً الشكولاتة لازم تحفظ فى مكان بعيد عن أى شئ له رائحة ....لو فى الشتاء انتى مش محتاجة تحطيها فى الثلاجة أصلاً حطيها فى أى درج او مكان مخصص للحلويات(لابد للحلويات ان يكون لديها مكان مخصص فى المطبخ بعيد عن التوابل او اى شئ اخر)..وبتفضل متمساكة فى الصيف وفى الشتاء انا برضو بشيلها بره ولكن أغلفها كويس بكيس بلاستيك ولما أحب اخذ منها احطها قبلها فى الثلاجة او الفريزر حتى تمسك علشان مايضيع منها شئ اثناء التقطيع واغلفها كويس ..وبمجرد انك تفتحى الغلاف بتاع الشكولاتة عليكى ان تغليفها بكيس أخر مع الغلاف حتى لا تلتقط اى رائحة...طب نعمل ايه لما تاخذ ريحة... طبعاً الأمر مامر علية قبل كده ولكن طبعاً التجربة خير دليل وحرام اننا نرميها او نقول مش هاتنفع ولكن نحاول نجرب طرق ...يعنى أولاً مش هاتنفع تكون شكولاتة مكعبات ولكن لابد ان نمزجها فى اى أشياء أخرى للقضاء عى الطعم المكتسب...يعنى ممكن تعمليها مشروب شكولاتة باللبن او تسيحيها وتحطى عليها كريمة شانتيه وقشطة وأى خلطة تحبيها وتحشيها فى كيك او تقطعى الكيك شرائح وتأخذى شريحتين وتضعى الحشو بينها وتكون سندوتش او كريب حلو وتحشيه بنفس الخلطة....انا باحاول اساعدك ولكن كما قلت لك التجربة خير دليل ..انتى اللى هاتجربى وتقولى لى النتيجة ياجميل علشان نستفيد ..ولكن بعد كده خلى بالك وحطى الحلويات فى مكان بعيد ولو هاتحطى حاجة فى الفريزر لابد ان تغليفيها بكذا غلاف وتبعديها عن الأشياء التى لها رائحة......ارجو ان اكون افادتك وان شاء الله تابعينى وكل ما ببتعلم شئ بنزله بالتفصيل أختك فى الله ام أسوة

غير معرف في : الجمعة, يناير 04, 2013 10:11:00 ص يقول...

انا عملت شوكلاطة وانحرقت ولا شكلها كده كتل كتل ومبقتش تدوب اعمل ايه

{ شادية أحمد } في : الجمعة, يناير 04, 2013 1:43:00 م يقول...

يا جميل انتى قرئتى الموضوع ولا لأ ..على العموم اقرئيه كويس علشان المرة القادمة وبخصوص الشوكولاتة لما يحصل فيها اى حاجة يعنى لو وقع فيها ماء او انحرقت او اى حاجة بتبقى كتل ولا يمكن ارجعاها الى ماكانت عليه قبل ذلك ولكن يمكن استخدامها مثلاً بوضع مكسرات مطحونة وجوز الهند علشان يغير من الريحة وممكن لبن او قشطة وعسل ابيض ودعكها كويس جداً وتكويرها كرات صغيرة وتركها فى الثلاجة بعض الوقت لحين الأكل .....وممكن تعملى كيكة وتهرسيها وتحطى عليها الشكولاتة وكريمة شانيه ومكسرات وتدعكيها وتهرسى فيها كويس ثم تكوريها وتقدميها.... وومكن تحطى علي الشوكولاتة لبن وكريم شانتيه وتضربيها فى الخلاط جامد مع سكر او عسل ابيض وتشربى مشروب شوكولاتة باللبن....وزى ما بقول التجربة خير دليل ....انا لم ارى الشوكولاتة بعينى حتى احدد لك ما ينفع لها بالظبط ولكن هذا تكرر معى قبل هذا وما قلته لكى ما قمت به من قبل ولاتأيسى ياما الواحد بوظ حاجات المهم انه بيتعلم لحد ما ينجح ان شاء الله ....اتمنى انى اكون افادتك حبيبتى...أختك أم أسوة

غير معرف في : الثلاثاء, يناير 15, 2013 2:22:00 ص يقول...

ماشاء الله ، اللهم بارك رائع جدااا
يبدو انك فعلا تحبين ما تقومين به : )
هل يمكنك مساعدتي فأنا لا احب مذاق الشكولا الخام احب ان يكون بها طعم ثاني مثل القهوة او طعم الشكولا الاسود بالكاكاو ، واحب ان يكون بها حشوات مختلفة غير اللوز والبندق ، يعني مثلا فراولة ... اتمنى ان تفيديني

غير معرف في : السبت, مارس 23, 2013 5:00:00 ص يقول...

ماشالله تبارك الله طريقه سهله جداااااااا وشكرا لكي

{ شادية أحمد } في : الاثنين, يونيو 17, 2013 4:21:00 ص يقول...

جزاكم الله كل خير واعتذر فى تاخير الرد ولكن هذا يرجع الى ظروف ......لمن سألتنى (هل يمكنك مساعدتي فأنا لا احب مذاق الشكولا الخام احب ان يكون بها طعم ثاني مثل القهوة او طعم الشكولا الاسود بالكاكاو ، واحب ان يكون بها حشوات مختلفة غير اللوز والبندق ، يعني مثلا فراولة ...)انا لم اجرب الشوكولاتةالمحشى اى نوع حيث انى احب المكسرات ولم اجرب اى اضافات فى الطعم ولكن اذا جد جديد تأكدى انى سأضيفه فى هذا الملف الخاص بالشكولاتة وتحياتى لك حبيبتى ...خليك اون لاين معانا لتعرفى جديدنا

غير معرف في : الاثنين, أغسطس 05, 2013 6:37:00 م يقول...

انا فعلا أستفدت جدا جدا لأنى مكنتش عارفة أسيح الشيكولا تة وباظت منى لا نى حطيت عليها ماء وانا كده عرفت اسيحها بجد مرسى جدددددااااا

{ شادية أحمد } في : الثلاثاء, أغسطس 06, 2013 6:49:00 ص يقول...

حبيبتى جزاك الله خيراً وانا اللى اشكرك على تقديرك للمجهود وبذل الوقت فى كتابة هذا التعليق ويوجود الكثير فى هذا الملف ولكن لضيق الوقت ولكن ان شاء الله مع بدء الدراسة سأضع باقى الملف وكله بالصور خطوة بخطوة

 
Flag Counter

متابعينا الكرام...مرحباً بكم

عدد مرات مشاهدة الصفحة ..