يتم تسيح الشكولاتة البيضاء بنفس طريقة الشوكولاتة البنى ولكن
لا يتم إضافة اى مادة دهنية زى الزيت او الزبدة لإن الشكولاتة البيضاء غنية لاتحتاج
انا هنا لم اقطعها لإن اهى دى القطعة اللى انا هاسيحها فقط ولكن فى البنى باسيح القالب ال2.5 كيلو كتير
ولكن القطعة دى عبارة عن ربع كيلو
وأثناء الشوكولاتة ما تسيح بجهز الألوان
زى ما انتم شايفين وضعت حبة صغيرة من كل لون فى فناجين شاى غير مستخدمة عندى وده علشان لو ماقدرتش اخلص فى اليوم نفسه بشيلها لحد ماقدر اعمل تانى.
فلابد ان تضعى الشوكولاتة لو هاتعملى كميات فى ادوات تخصصيها لها لعدم لحاجة إليها
السر فى إعطاء اللون المثالى عند استخدام ألوان بودرة:- نقطة مية على إصبعيك ونزليها على اللون علشان تحصلى على لون جميل ودرجة حلوة من اللون ( طيب لو ما حطيتى المية هتلاقى ان كل ما تحطى كمية من اللون ثم تحطى الشوكولاتة عليها هتلاقى اللون باهت ومهما زودتى لون مش هتحصلى على اللون اللى انتى عايزه وممكن تجربى وتشوفى علشان تعرفى بنفسك وتحسى الفرق)
ده اللون الأخضر
وأذوب اللون فى نقطة الماء وده علشان الشكولاتة البيضاء اللى انتى هاتحطيها تكون كلها لون واحد متجانس وده ميزة نقطة المية (أوعى تنسي نقطة بمعنى نقطة علشان الشوكولاتة ما تبظيش)
ده اللون الأصفر
ده لون أحمر
ودى صورة من قريب للتوضيح (عبارة عن اللون الأحمر والأصفر)
دول الألوان الثلاثة (أحمر أخضر أصفر)
هنا هتلاقى ألوان أخضر فاتح وأخضر غامق (وده راح تتحكمى فيه من خلال مقدار الشوكولاتة البيضاء وليس اللون، يعنى انا بحط حبة لون صغيرين جداً ولوعايزة اللون بتاعى غامق أحط حبة شوكولاتة صغيرين جداً وهكذا كلما أردت لون أفتح أزود الشوكولاتة . (والعملية دى بتعمليها فى أى حاجة حاتحطى عليها لون مثل كريمة الشانتيه وغيرها وهو إنك تحطى حبة صغيرة من اللون ومن ثم تتحكمى فى مقدار الكريمة او عجينة السكر ...الخ) وهتلاقى الأحمر وهتلاقى أصفر وبرتقالى .
ودى صنية حطيت فيها ماء ساخن وانا مهدية النار من تحته
ودى صورة من قريب للتوضيح (عبارة عن اللون الأحمر والأصفر)
دول الألوان الثلاثة (أحمر أخضر أصفر)
هنا هتلاقى ألوان أخضر فاتح وأخضر غامق (وده راح تتحكمى فيه من خلال مقدار الشوكولاتة البيضاء وليس اللون، يعنى انا بحط حبة لون صغيرين جداً ولوعايزة اللون بتاعى غامق أحط حبة شوكولاتة صغيرين جداً وهكذا كلما أردت لون أفتح أزود الشوكولاتة . (والعملية دى بتعمليها فى أى حاجة حاتحطى عليها لون مثل كريمة الشانتيه وغيرها وهو إنك تحطى حبة صغيرة من اللون ومن ثم تتحكمى فى مقدار الكريمة او عجينة السكر ...الخ) وهتلاقى الأحمر وهتلاقى أصفر وبرتقالى .
ودى صنية حطيت فيها ماء ساخن وانا مهدية النار من تحته
من الأفضل أن لاتضعى الأكواب او الأطباق فى الصينية على طول وده مش علشان الكسر ..لأ.. ده علشان الشوكولاتة.
وانا بستعمل معلاق الأيس كريم. وكما قلت من قبل لإنى إذا لم انتهى من المقدار اللى هاعمله باشيلها زى ماهى
وانا بستعمل معلاق الأيس كريم. وكما قلت من قبل لإنى إذا لم انتهى من المقدار اللى هاعمله باشيلها زى ماهى
وده شكل الشوكولاتة لما بتجمد وبمجرد وضعها فى الماء الساخن بتسيح على طول