كيكة اكثر من رائعة ومعتمدة من أم أسوة

أرجو ان يعجبكم الموضوع ويكون مفيد لكم ....والرد عليه ولو بكلمة شكراً إذا أضاف لكم جديد وتذكروا من لم يشكر الناس لم يشكر الله تعالى....أختكم فى الله أم أسوة

 

هذه مقاديري للكيكة اليوم اللي عثرت عليها فى النت وأضفت لها شيئاً أصبحت تحفة وهى اللى باستخدمها لكل شئ حتى التورتات ....خفيفة وزى الإسفنجية

ولو شاطرة وعندك مقادير كويسة جربى دى ومش وهتندمى إن شاء الله.....

 

2 كوب دقيق
3 بيضات
1 ونص كوب سكر
نص كوب زيت
نص كوب حليب
ملعقه صغيرة فانيليا (كيس صغير)
(ملعقه كبيرة بيكنج بودر حوالى كيس )هذا فى النت

 

 انا استخدمت كيك شيف بدل البكينج بودر يعطى نتيجة جيدة جداً بل ورائعة وهو عبارة عن البكينج بودر مع محسن الكيك وهو مخصوص للكيك....

هذا هو الكوب اللى باعير بيه وبيظبط معايا اما البرطمان اللى فى الصورة مش حلو

ملحوظة:ثمن الكيس جنيه وباستخدمه كله فى الكيكة الواحدة

هذا شكل كيس الكيك شيف 
الطريقه :

تعمل الكيكه بالطريقه المعروفه يضرب البيض مع الفانليا

 ثم السكر ثم اللبن والزيت

 ويخلط الدقيق مع البودر بعد نخل الدقيق ويتم اضافتهم تدريجيا مع الضرب

 وتصب في صينيه مفروشه ورق زبده أو مدهونة زبدة ومرشوشة دقيق وتدخل الفرن

ده شكل الحلة بعد مانزلت العجينة بالمعلقة


شايفين شكلها بعد استخدام الأداة البسيطة اللى انتم شايفينها مسحت الحلة كويس من العجينة ونزلتها فى صينية بهذا الشكل مدهونة كويسة بالزبدة من كل الجوانب ومرشوشة كويس بالدقيق  وهى موجودة تلاقيها فى المحلات
 

 

 

 كام تحتاج من الوقت لكى تستوى؟حسب فرنك انتى عارفة درجة حرارته انا باشغل الفرن اثناء تجهيز الكيكة ثم احطها اول رف على درجة حرارة متوسطة واخلى بالى كويس وبمجرد اشم ريحتها افتح الفرن وابدء اتابعها حتى اشعر ان وشها بدء يمسك نفسه وحروفها بدئت تحمر اطلعها على الرف الشبكة الموجودة فى الوسط حتى تكتمل السوى واخرجها وبعود خلة اوشواء اضعه فى الكيكة لو طلع نضيف يبقى الكيكة تمام وزى الفل ولو طلع فيه كيكة يبقى لسة شوية عليها واول ما تستوى تطلعيها وتتركيها حتى تهدء
وهذا هو شكلها بعد خروجها من الفرن

 

 

 هنا بعض الصور لنفس الشكل المدور ولكن بتزين مختلف
 هنا عليها شكولاتة بنى مبشورة قبل ما تدخل الفرن

وهذا شكلها بعد ماخرجت من الفرن

وهنا شكلها بعد التقطيع

 

وهذا شكل القطعة بيضاء وهشة وخفيفة

 وهنا شكل أخر عليها شكولاتة فورماسيلا الوان

 تقطع بالسكينة

 

 

تحفظ فى علبة مغلقة للحفاظ عليها علشان ما تنشف

 

 هنا أفكار مختلفة لهذا الشكل المدور

بالهناء والشفاء وألف هنا وشفا

ومطرح مايسرى يمرى ويملى

وخالى بالك من التخن

كلى اللى نفسك فيه ولكن بالمعقول