أرز بالشعيرية مفلفل زى الفل
أرز مصرى يزال منه الشوائب ثم يغسل جيداً ويصفى
شعيرية
اجيب حلة واحط فيها شعيرية وزيت ذرة او زبدة لعمل الأرز( انا اصبحت استعمل زيت الذرة لإنه أخف علشان الدهون وكفاية الزبدة فى الحاجات اللى لازم فيها الزبدة وده علشان الصحة)
هذه صورة قديمة تلاحظى فيها استعمالى للزبدة ولكن هذا كان قديماً كما قلت لك وانتى حسب راحتك ومزاج زوجك
أضع الأرز ويجب ان يغطى الماء الأرز ولو كنتى حطة قليل زودى ...مجرد ان يعلو عنه قيمة صباع او اتنين ...تعرفيها أزاى بالنظر ثم أغطى الحلة بالغطاء وأول ما يبدء يبقبق او يغلى تهدى النار على طول
واقلبى بهذه المعلقة علشان هى حلوة مع الحاجات اللى عايزاها مفلفلة زى الأرز واللسان العصفور .....
وهذه طريقة من طرقى فى تقديم الأرز
زمانك بتسألى ايه الأبيض ده .....ده ياستى باشميل أبيض كنت عاملة أكلة فيها باشميل وفضل فى الصينينة حبة بعد ما غرفت رحت حطتهم على الأرز بهذا الشكل
وبعد ما ناكل نقول الحمد لله
اختكم فى الله ام أسوة