طريقة عمل الكريب المالح بالصور والفيديو

أرجو ان يعجبكم الموضوع ويكون مفيد لكم ....والرد عليه ولو بكلمة شكراً إذا أضاف لكم جديد وتذكروا من لم يشكر الناس لم يشكر الله تعالى....ان اصبت فمن الله وان اخطأت فمن نفسي والشيطان....أختكم فى الله أم أسوة

* طريقة عمل الكريب

مقادير العجينة

كوب و نصف دقيق منخول

2 كوب حليب سائل

3 بيضات كبار

ملح - فلفل

هذه المقادير تخرج حوالى 12 الى 14 كريبة حسب حجم الطاسة ورقة العجينة

حيث كلما كان مقدار الكريبة قليل حصلتى على عجينة رقيقة وكمية اكبر وممكن مضاعفة المقادير للحصول على عدد أكبر

الطريقة

* يضرب البيض ويوضع عليه الملح والفلفل الأسمر ثم يوضع اللبن وبعده الدقيق ويضربوا جيداً بمضرب يدوى

و تصفى بمصفاة سلك حتى لا تكلكع وجعلها خالية من أى كلكعة وبتكون العجينة سائلة .
(هذه مراحل التصفية)

*طاسة بحجم ما تحبى ان يكون عليه الكريب ( صغيرة - متوسطة - كبيرة )

ويفضل أن تكون تيفال علشان ما تلزقش معك العجينة.

والطاسة الموجودة عندك من نوع استلس رائعة معاى وانا مجرابها بعمل فيها كل حاجة

نسخن الطاسة بتعاتنا كويس ونضع فيها ملعقة زبدة أوزيت وأنا أفضل الزيت ونبعدها عن النار ونضع مقدار (مغرفة الشوربة نصفها أوكلها حسب حجم الطاسة) فى الطاسة .

وهذا شكل العجينة بتكون سائلة وهذا مقدار المغرفة بتاعة الشوربة بيعملى واحدة حلوة قد الطاسة بتعتى ولكنى بنقص منها حبة صغيرين (بيطلع معى 12كريبة)

بتطلع رقيقة وخفيفة وده ها تعرفيه بالتجربة

وأول ما تضعى العجينة فى الطاسة تضعيها على النار وتجعلى النار متوسطة وسرعان ماتحركى العجينة من الحروف كلها حتى تنفصل عن جدار الطاسة وإرفعي العجينة بالمعلقة وعندما ترى هذا الشكل

قومى بقلبها على الجهة الأخرى وكل جهة تأخذ دقيقة تقريباً وعينك أفضل تقدير

وهذا شكل الوجه الأخر عندما تقلبيه وهو الذى يوضع عليه الحشو وبيكون من الداخل

وهذه الأداة مش عارفة اسمها ممكن يكون ايه ولكن عجبتنى فى السوق ورخيصة ب

(2.5) وحلوة أوى باستخدامها فى إخراج الأكل المقطع مربعات من الصينية بدون بهدلة وكمان حلوة فى قلب العجينة على الجهة الأخرى وإخراج الكريبة بدون تقطيع أو بهدلة

وهذه صورة لإيضاح سمك الكريب وممكن تتحكمى فيه عن طريق وضع العجينة وتحريكها فوراً لتملىء الطاسة وعند عمل أول كريبة تستطيعى ان تعرفى هل تزيدى من مقدار الكريبة أوتنقصى منها لتحصلى على السمك الرقيق

نكرر نفس الخطوات الى أن ينتهى العجين.

ويتم وضع الكريبات فوق بعضها ولكن قبل ما اضعها فوق بعض بطلع أول واحدة فى طبق وقبل ما أطلع الثانية أنقل الأولى فى طبق أخروهكذا تكون كل واحدة بردت شوية وما يعرقوش على بعض

وهذا شكل الكريبات

على فكرة هى سهلة جداً وحلوة فى العزومات ولكن انا بشرح بالتفصيل للتوضيح ومن باب الأمانة بنقل التجربة كما قمت بها ونقل ما اكتسبته من تيكات فى هذه الوصفة

نأتى إلى الحشو
ممكن أى حشو بتحبيه وبتعرفى تعمليه وبتسخدميه
ولو مش عارفة إليكِ بعض الطرق

1- أول طريقة حشو هى الحشو باللحمة المفرومة
لحم مفروم معصج و صلصة البشاميل وجبنة رومى مبشورة

توضع اللحمة المفرومة المعصجة مع قليل من صلصة البشاميل حتى تلتصق اللحمة المفرومة مع بعض وتكون متماسكة.

2- الحشوة اللى عاملتها هنا كانت عبارة عن قطع لحمة قطعتها قطع صغيرة زى الشورما

وجيبت اللحمة بعد ماغسلتها كويس ونقعتها من الليل فى ماء وخل ونشة ملح صفيتها من مايتها كويس جداً واسخن زيت ثم انزل اللحمة واشوحها واتركها تطلع مايتها ثم انزل عليها بصل حلقات ثم اضع حلقات فلفل رومى أخضر او ألوان لو موجود وحلقات ثوم ثم اقلب كويس حتى تستوى اللحمة ثم ازل حلقات طماطم وأضع التوابل ملح وفلفل اسمر وبهارات وبابريكا واقلبها كويس واطفى النار عليها ( وممكن بدل اللحمة نحط فراخ او تونة او خضار مشكل جزر-كوسا-بطاطس- بسلة- ....ومقطعة مكعبات صغيرة وبنفس الطريقة) وكده من حاجة واحدة وهو الكريب نكون طلعنا كذا أكلة....1- كريب باللحمة المفرومة

2- كريب بالفراخ

3- كريب بالتونة

4- كريب بالخضار

5- كريب باللحمة

الصورة مش وضحة من الحرارة اللى طالعة من اللحمة

الصورة واضحة شوية هنا لماهدئت الحرارة

وممكن تقطعى الفراخ البانية قطع مكعبات ( وممكن جمبرى او اسماك او لحمة مفرومة او تونة او خضار مشكل ) وتكونى مجهزة الفلفل الرومى الخضر او الوان(احمرواصفر واخضر لو موجود) متقطع حلقات وتحطى زبدة او زيت فى الطاسة وتسخنينه وتنزلى عليهم الفراخ او التونة او .......وتشوحيهم على النار وتعملى

نحشى الكريب ..يتم وضع الكريبة على صينية أو طبق ثم نضع عليها الحشو فى خط مستقيم ثم نلفها حول بعض.

ترص اصابع الكريب فى صينية مدهونة زبدة او زيت جنب بعضها.

وهذا شكل الصينية قبل وضع الباشميل

وعلى الوجه يوضع الباشميل

ويرش على الوجه الجبنة الرومى المبشور قبل خروجها بثوانى حتى تذوب الجبنة فقط وممكن وضعها تحت الشواية لدقيقتين ثم تقدم ويتم إخراجها وتقديمها ــــــــــــــــــــــــــــــــــــــــــــــ

فى العزومات أحياناً بقطع اللى انا حطة عليه ايدى فى الصورة من الجانبين واشيله فى الفريزر علشان تبقى شكلها مربع ملفوف مفتوح من الجاهتين