أرجو ان يعجبكم الموضوع ويكون مفيد لكم ....والرد عليه ولو بكلمة شكراً إذا أضاف لكم جديد وتذكروا من لم يشكر الناس لم يشكر الله تعالى....ان اصبت فمن الله وان اخطأت فمن نفسي والشيطان....أختكم فى الله أم أسوة
مصروف كسوة الأولاد
كسوة الأولاد
طبعاً علشان ننزل نجيب لبس للأولادنا كلنا
نفسنا نجيب حاجات كويسة وشيك وعلشان تجيبي ده محتاجة مبلغ محترم وعلشان زوجك يصرف المبلغ المحترم ده فى دخلة
صيف ودخلة شتاء ولبس مدارس وعيد فطر وعيد أضحى ولو في مناسبة ومحتاجة حاجات مخصوص ليها ده موضوع كبير عايز قاعدة
اثناء الخروج واثناء الشراء
الزوجة: ايه رأيك في الجاكيت ده ؟
الزوج: لأ ده غالي وخامته مش اد كده
الزوج: ايه رأيك ده حلو
الزوجة :بس ده أولادي وانا عايزة جاكيت بناتي
الزوج: كل يمشي ينفع
الزوجة :خامته كمان مش حلوة أوى
الزوج طب رأيك في ده ولا ده وشوفي ده
الزوجة طبعاً هاتتجنن كلها اذواق فظيعة
وخامات افظع
الزوجة : طب بص ده ورأيك في ده وكمان ده
الزوج : غالي مش حلو مش على اده اوى ماتشوفي
حاجة اوسع علشان تكفي السنة اللي جاية مش كل سنة نشترى
الزوجة تقيس الحاجة وسعة على الأولاد
والأب مبسوط علشان تكفي ابقى اتني البنطلون وخيطى الوسط وشمري الكم والبنت او
الولد واقف يإما معترض على الشكل واللون والمنظر اللي هو فيه والزوجة بتحاول تقنع
الأب ان الولد او البنت مش مبسوطة مش مستريحة في الحاجة والحاجة مش حلوة وكمان
تمنها مش فيها ومش هاترضى تلبسها بعد كده
الزوج والزوجة بعد ضياع وقت في المناقشات
خرجوا من المحل
الزوج :اشتري انتي متشغلنيش معاك اللي انتي
عايزاه اعمليه
الزوجة طب اشترى بكام
الزوج اخرك معايا 500 جنيه لإولادك الثلاثة
الزوجة قصدك اطقم بيت وداخلى واحذية واطقم
خروج وجواكت وشربات وغيره من الرافيع الكتير زى احذمة وشنط خروج وطبعاً هي
ماتقدرش تقول توك وإكسسورات
خروجة نكد رجعين قالبين وشهم كل واحد واخد
موقف والست شايلة هم الأولاد ماشية تتفرج على المحلات مش عارفة تشتري ايه علشان
تغطى الإحتياجات بتاعة الأولاد والأولاد طالباتهم بسيطة كل واحد عايز يلبس لبس حلو
شكله حلو مظبوط عليه مش مهم تمنه بالنسبة له على اد انه يبقى شكله كويس وشيك والأم
محتارة مابين تحقق لولادها ده ومابين زوج حط مبلغ قليل مايجبش حاجة او أو زوج راح اشترى معاها وجاب جواكت
للأولاد غالية جداً وقال لها الفلوس اتحطت في الجواكيت ودبري نفسك من اللي عندهم وكل واحد في وادي غير التاني
*الزوج تلاقيه يجيب حاجة شيك أوى وغالية أوى ومايعرفش يجيب حاجة تانية بعد
كده.......
*الزوج كل ماتقول له انا عايزة اجيب حاجة للولاد يقولها هو مش جبنا بنطلون السنة اللي فاتت ... طول عليه ياحبيبي.....مش جبنا كوتشي في
الصيف ....اضيق عليه ياجميل.....مش جبنا قميص.....تخن عليه ياعسل
*الزوج ترك زوجته تشتري والفلوس ماجبتش كل
حاجة والناقص مهم والزوج يقولها ليه والفلوس راحت فين وازاى ده بكذا وعايزة كمان
كذا اجيب منين؟؟؟؟؟
لإنه مانزلش معاها وشاف الأسعار فهو معتقد ان 500 يعني ممكن يجيبوا كل
حاجة وده غصب عنه ليه؟ هاقولك في الحلقة اللي جاية
وعلشان اكون صاحبة قرارى لا ينازعني فيه احد
اجيب رخيص في البيت اجيب غالي في الخروج اجيب غالي في البيت اجيب ماركة مرة اجيب
بواقي تصدير مرة وهكذا
لما تقرري انك تمسكي مصروف كسوة الأولاد تعملي ايه؟
عليك انك تعدي قائمة بكل مايحتاجه ابنائك من
ملابس داخلية حوالي 4 أطقم والطقم بيعمل حوالي 30 جنيه يبقى
4× 30 = 120 جنيه تقريباً وهكذا في باقي الإحتياجات وكل واحدة حسب مستواه انا لما
بدأت كنت بجيب ارعة للإولاد علشان بغسل على طول وعلشان هو مش بيروح المدرسة وعلشان
كانت ظروفنا كده وفي واحدة تقد تجيب ستة وأخرى 12 حسب ظروف كل واحد تقدري تحددي
انتي محتاجة ايه للولد.........
ملابس للبيت في حدود 300 جنيه حوالي اربع
ترنجات كل ترنج ب100 جنيه
ملابس خروج في حدود 400 جنيه.........
ملابس للعيد 300 جنيه.....تكتبي كوتشي وطقم
خروج وترنج بيت
أحذية
100 كوتشي
المجموع
1320 جنيه تكلفة الولد في السنة بمعدل 100 جنيه كل شهر يعملوا 1200 جنيه بس
انتي خاليهم 1320 اللي حسبتي عليهم واللي هاتوضع في القائمة اللي سوف تقدم للزوج
علشان هايجادل معاك وليه وبكام وعلشان ايه وهايكون في فصال شديد وانتي تقفي على
رقم وهو يقف على رقم فنوصل ل1200 اللي انتي محتاجهم بالظبط لا قليل ولاكتير بما يرضي الله وهانمشي على ادهم
وهايكفوا ان شاء الله بالتدبير والنية تأتي بركة الله عز وجل في المال ولو حسبتيها
بحسابات البشر ونزلتي على ارض الواقع تلاقي نفسك عايزة ادهم علشان تلبسي ابنك كويس
مش تلبسي ابنك روعة.........
المهم تريحيه وتخليه
يغلبك ويخليهم 1200جنيه ويحس انه اعطاك اللي هو عايزه علشان معظم الرجال او بعضهم
اللي تعبان في فلوسه وعمره مايديلك اللي انتي بتطلبيه كده على طول وخلي بالك مش بخل وتعكير او تعجيز لك لا والله بس ده بيكون جزء من طبيعة الرجل فبلاش الظن وسوء الفهم وتقدرى طبيعة الرجل وطبيعة زوجك.....
ولو عندك تلاتة يبقى انا محتاجة ثلاثمائة كل
شهر
شفتي 300 كل شهر خفيفة وسهلة عليه ومش بيحس بيها مش 800 ولا1000 وممكن اكتر في شهر او مرة واحدة
ونبعد عن المشاكل والحوارات اللي بتتكرر كل
خروجة وكل مناسبة وكل عيد وندخل العيد واحنا مضيقين وزعلانين من أمور دنيا ملهاش لازمة ......
وتمشي تلاقي الست بتفكر ومحتارة مش عارفة تلاقيها منين ولامنين من غلاء الأسعار ولا من تفكير زوجها ...تعمل ايه؟
والزوج مش عارف يعمل ايه ولا ايه كله بيقول له هات هات نفسه يرد عليهم ويقولهم جالكوا الهات هات يارب
المرتب مش بيزيد والمصاريف بتزيد والأولاد بيكبروا وحاجتهم بتكبر معاهم ...يعمل ايه؟
التفكير والتدبير والتوكل على الله والنية الطيبة والرضا بما رزقنا والأخذ بكل اسباب السعي سواء من الزوجة أو الزوج تأتى ببركة السماء تاتي ببركة ربانية ونمر بعثرات وعثرات وتفرج بإذن الله
ما عال من اقتصد
ولا ننسى كلام حبيبنا
قَالَ رَسُولُ اللهِ صَلَّى اللَّهُ عَلَيْهِ وَسَلَّمَ : (مَنْ أَصْبَحَ مِنْكُمْ آمِنًا فِي سِرْبِهِ ، مُعَافًى فِي جَسَدِهِ ، عِنْدَهُ قُوتُ يَوْمِهِ ، فَكَأَنَّمَا حِيزَتْ لَهُ الدُّنْيَا)
والحمد لله الحمد لله حمداً كثيراً طيباً مباركاً فيه
أختكم أم أسوة
وتمشي تلاقي الست بتفكر ومحتارة مش عارفة تلاقيها منين ولامنين من غلاء الأسعار ولا من تفكير زوجها ...تعمل ايه؟
والزوج مش عارف يعمل ايه ولا ايه كله بيقول له هات هات نفسه يرد عليهم ويقولهم جالكوا الهات هات يارب
المرتب مش بيزيد والمصاريف بتزيد والأولاد بيكبروا وحاجتهم بتكبر معاهم ...يعمل ايه؟
التفكير والتدبير والتوكل على الله والنية الطيبة والرضا بما رزقنا والأخذ بكل اسباب السعي سواء من الزوجة أو الزوج تأتى ببركة السماء تاتي ببركة ربانية ونمر بعثرات وعثرات وتفرج بإذن الله
ما عال من اقتصد
ولا ننسى كلام حبيبنا
قَالَ رَسُولُ اللهِ صَلَّى اللَّهُ عَلَيْهِ وَسَلَّمَ : (مَنْ أَصْبَحَ مِنْكُمْ آمِنًا فِي سِرْبِهِ ، مُعَافًى فِي جَسَدِهِ ، عِنْدَهُ قُوتُ يَوْمِهِ ، فَكَأَنَّمَا حِيزَتْ لَهُ الدُّنْيَا)
والحمد لله الحمد لله حمداً كثيراً طيباً مباركاً فيه
أختكم أم أسوة
