أرجو ان يعجبكم الموضوع ويكون مفيد لكم ....والرد عليه ولو بكلمة شكراً إذا أضاف لكم جديد وتذكروا من لم يشكر الناس لم يشكر الله تعالى....ان اصبت فمن الله وان اخطأت فمن نفسي والشيطان....أختكم فى الله أم أسوة
السلام عليكم ورحمة الله وبركاته
الحمد لله انا كده
أعددت القوائم الخاصة بالمصاريف الفعلية التي ينفقها البيت عن طريقي او عن طريق
زوجي
الأن قبل ما امسك
المصروف هابدأ أعيد كتابة كل القوائم وأقوم بتعديلها كالأتي
قائمة مصروف البيت
انتي بتستهلكي 2
حافظات من نوع معين وهو غالي ابدء ادور على انواع اقل قليلاً مع الحفاظ على الخامة
وهناك انواع كتير هتلقيها لما تنزلي وتسألي ... ممكن اوفر من 5الى 10 جنيه فى الجزء
ده
الخضار : انك تنزلي
السوق وافضل انك تكوني لوحدك من غير اولاد علشان السرعة والتركيز وتلفي لفة سريعة
تسألي على الأسعار من خلالها تحددي الناس اللي الحاجة حلوة عندهم ورخيصة عن غيرهم
انتي لازم تدورى على الحلو والرخيص في نفس الوقت وتبدئي تشتري وعند كل خضري بيكون
فيه بطاطس صغيرة ليها تمن معين وكوسا كبيرة لها تمن معين بتكون حلوة وطازة بس صغيرة
اوى او كبيرة اوى تعملي حسابك فيها البطاطس للسلق والكوسا الكبيرة دي انا بشتريها
لأكلة لازم تكون الكوسا كبيرة هاقولك عليها
وهكذا ....
العطار: ممكن تشتري
الحاجات السايبة بيبقى فيها بركة
اما الجبن والعيش
وغيره من اليوميات هابدأ احدد انا بحتاج منها ايه وهاجيب اد ايه
السوبر ماركت او
الهايبرات ابدأ احدد انا محتاجة منها اد ايه
وهاوفر فيها ايه
هلاقي نفسي هاوفر
من 50 الى 100 جنيه كل شهر على الأقل من ال1000 جنيه يعنى خلال العام بيكون معايا
1200 جنيه واكتر حسب شطارة كل واحدة
والست الشاطرة
اللي توفر من غير أي إحتياجات لإى حد تنقص او تتلغي ممكن تقل لكن موجودة بل العكس
لابد ان يشعروا ان في خير وانا بابا لما كان معاه المصروف كانت الحلويات كل فين
وفين معاك الحلويات على طول بل العكس بيت مفتوح لإي حد في أي وقت أكل وحاجة حلوة
وبتتصدقي وكمان بتهادي وزوجك مش معترض لإنك لا بتاخذى زيادة في المصروف ولابيقل حاجة من البيت ولاحاجة....هي بركة بنيتك وحسن إدرتك وأخذك بالأسباب زي ماقلنا قبل كده
مصروف الكهرباء
والماء والغاز
بالنسبة للكهرباء انتي
عندك شهور الشتاء هاتوفري منها اكيد علشان مافيش استهلاك كهرباء زي الصيف ولكن في سخان لكن ده بيشتغل اكيد مش زي اجهزة الصيف وفي الصيف
هاتبدئي ترشيد يعني مخلية بالك من الحاجة وتشغيلها مع الراحة مش هاتخنقي نفسك ولا
تخنقي اللي حولك ....مثال: التكيف ممكن يشتغل في الحجرة 2 ساعة حتى تبرد الحجرة ويتم
غلقها اثناء النوم ستحتفظ الحجرة بالجو البارد عدة ساعات حرام يفضل شغال طول الليل
ولو نسيتى اول صحيان لك اقفلي التكيف وعلشان حفاظاً على عظم الواحد كمان .....شغليه في الأوقات التي يصعب فيها الجو
والمرواح مش عاملة حاجة وبصراحة بتكون حوالي شهر مش اكتر ولكن ممكن تعيشي بالمرواح
عادي وغيرك عايش من غير مرواح أصلاً والحمد لله مش معنى انه عندي يبقى اتنعم اكتر من الازم....الموضوع مش توفير فلوس بس لأ تربية ربانية ونفسية للواحد
وللأولاد
أما بالنسبة للماء
فأيضا فيه ترشيد والغاز حسب كل شهر وإستهلاكك
شهر عالي وشهر منخفض
مصروف كسوة
الأولاد
تبدئي تحددي
ابنائك محتاجين ايه وتفكري قي اماكن حلوة بأسعار معقولة وهنا مش ممكن تشتري كل شهر
هلكة للوقت ومش هايجيبوا حاجة ولو جابوا حاجة هايكون لواحد وهاتجيبى حاجة غالية طب هاتعملي ايه؟
انتي بتاخديهم
بالشهر علشان تجمعي مبلغ على دخلة الصيف او على دخلة الشتاء يبقى لما هاتنزلي فى
الصيف هاتنزلي مرة واحدة تجيبي كل حاجة مع حاجة العيد كمان وكذلك في الشتاء
مصروف المناسبات
العائلية
متروكة للزوج على اد ظروفه يجامل وكل مناسبة وليها ظروفها وحظها
ونصيبها وهناك اقترحين
الإقتراح الأول ان
تترك للزوج ولكن ان تركتيها للزوج معناه ان اى مبلغ هايجي في مناسبتك لازم تعطيه
اياه علشان هو اللي بيسد
الإقتراح الثاني
انك تمسكيها وعلى اساسه اى مناسبة هاتبقى عندك هاتخذي فلوسها علشان انتي اللي
هاتسدي وانصحك انك تحطيهم في حصالة علشان تسدي منهم ومتقفيش مواقف محرجة في وقت
مهم
وهناك مصروفات أخرى ولكن انا بنقلك تجربتي من خلال اللي مسكته ونجحت فيه والحمد لله لو جد جديد اكيد هاقول عليه
هنا أكون حسبت
حسباتي وعرفت انا هامسك اد ايه من المصروف وممكن أوفر أد أيه
هنا أبدأ أطرح
الفكرة على زوجي طبعاً هاتسمعي العجب
الزوج الأول :
هاتكوني صريحة وتقولي له انت بتصرف الف وانا عايزة الأف هايقولك خذي 500 وكلام هنا
وهناك طب خاليهم 800 وماعنديش اكتر من كده تقولي ازاى يقولك وريني شطارتك وتوفيرك
وكأنك المصباح السحري المهم ولا قوائم ولا اى حاجة وانتي يإما ترفضي يإما تتدبسي
وتفشلي
الحل: هو بيصرف
1000 هاتقولي انا عايزة 1500 يقولك ليه وليه تقولي الولاد والمصاريف والغلاء يقولك
لأ1000 تقولي لأ1400 وكلام هنا وهناك
يقولك وريني القوائم بتاعتك والمصاريف اللي بنصرفها وهاتجيبي بيهم ايه
توصلي معاه ل1200 تقولي له انا هاقف جنبك واخذ ال1000 بس علشان خاطرك ياعسل.....زي مانتي بتحبي العروض هو كمان بيحب
انتي كده وصلتي
للي بيتصرف فعلي بدون تدبير بما يرضي الله ثم تدبري
الزوج التاني :
اللي هاتقولي له 1500 هايقولك اتفضلي مش محتاجة انك تعملي حاجة معاه ...
وكل واحدة أكيد
عارفة شخصية زوجها من خلال معاملات كتير
وكله بما يرضي
الله واذكر نفسي وإياك بتقوى الله عز وجل
مبروك عليك المصروف
وبالنجاح والتوفير
إن شاء الله هانتكلم إزاى انجح في إدارة مصروف البيت
على قد ماعرفت واتعلمت هاقولك
والمجال مفتوح للجميع للبحث والتطوير
أختك أم أسوة
