أرجو ان يعجبكم الموضوع ويكون مفيد لكم ....والرد عليه ولو بكلمة شكراً إذا أضاف لكم جديد وتذكروا من لم يشكر الناس لم يشكر الله تعالى....ان اصبت فمن الله وان اخطأت فمن نفسي والشيطان....أختكم فى الله أم أسوة
مصروف ست البيت زي
مصروف البيت
مصروفي في كيسي
حوارات بتتكرر في بيوت كتير
الزوجة : عايزة اشتري حذاء
الزوج: ما انتي
عندك وانتي كنتي بتخرجي بإيه
الزوجة : اتبهدل
الزوج: مش كنتي
لسة جيباه من كام شهر
الزوجة: انا كنت
جيبة حاجة رخيصة ماستحملتش
الزوج: انتي مش
بتخرجي كل يوم ام انا اعمل ايه الحذاء معايا من كام سنة وبخرج كل يوم
.......................................
الزوجة : اشتريت
للأولاد الحاجات دي وجيبت جاكيت لية
الزوج : بكام
الزوجة ب200 جنيه
الزوج: حرام
ياشيخة ب200 جنيه جاكيت ليه ضحك الراجل عليك ده ما يسويش 100 جنيه
الزوجة : انا قلت
اجيب حاجة كويسة تقعد عندي كام سنة
الزوج: مافيش حاجة
تاني خلاص معيش ويبقى جايب لنفسه جاكيت ب500 جنيه علشان ملاقاش ارخص من كده
..........................................
الزوجة: عايزة 100
جنيه اجيب هدية لصحبتي
الزوج: هي جت قبل
كده
الزوجة: لأ اصل
انا ماعزمتهاش قبل كده ولكن المرة دي هي عزمتني
الزوج: جيبلها
الزوجة مانا معيش
الزوج: بصراحة انا
مزنوق الشهر ده وحرام اطلع 100 جنيه في هدية
.................................
الزوجة: محتاجة
مبلغ علشان اشتري شوية حاجات
الزوج: ايه هي
الزوجة: حاجات
شخصية
الزوج :ايوه يعني
زي ايه
الزوجة:؟؟؟؟؟؟؟؟؟؟
الزوج: ماشي خذي
20 جنيه
الزوجة:20جنيه
ايه يعملوا ايه
الزوج :جيبي على
قدهم
........................................
الزوجة: عندي
مناسبة اختي محتاجة اجيب شوية حاجات لية وللإولاد
الزوج : انتي نسية
اني هانقطهم كفاية علية واختاري الأهم انتي يا الأولاد
الزوجة: الأولاد
..................................
زوجة أصلاً مش
بتطلب والزوج مستريح والحياة ماشية واول
ما تطلب يقولها ماانتي عندك هدوم كتير والدولاب ماليان لبس ومايعرفش ان هناك حاجت
اتبهدلت من اكل الأولاد واتبقعت وتنظيف البيت والوقفة في المطبخ وحاجات اضيقت بسبب
انها تخنت شوية بسبب الحمل وخلافه وهي بتلبس عادي لحد ماتجيب اخرهم...... اللي شيفه بس ان
الدولاب مليان
........................................
زوج لما يدي زوجته
فلوس تجيب حاجات بعد كام يوم تطلب حاجات يقولها انا مش لسة مديك فلوس من كام يوم
ترد وتقول يدوبك جيبت كام طقم للبيت طيب عايزة ايه تاني ....ناسي انها زي الولاد
محتاجة لبس بيت وخروج ورافيع وكارت تيلفون تكلمه بيه وفلوس في ايدها نفسها جت على
حاجة حلوة تعرف تشتريها
................................................................
أختي وحبيبتي انتي
الخطأ مش هو
أزاي
انتي اللي حطيتي
نفسك في الوضع ده
انتي اللي نسيتي
في الخطبة انك تتكلمي مع زوج المستقبل ازاي هاتعيشوا مين هايدير البيت من الناحية
المادية والقرارات الأسرية هاتبقى بالمشاورة ولا قرار فرد وهايتعامل معاك ازاي من
الناحية المادية......كنتي مبسوطة وبتفكري تجيبي ايه في الجهاز وناقص ايه...
طيب اتجوزتي
ماجلستيش مع زوجك تتكلموا ازاي البيت هايمشي وماوضعتيش استراتيجية معينة تتفقوا
عليها في إدارة البيت .....
اتجوزتي زي ناس
كتير وسيبتي الحياة تمر زي ماتمر
............................................
يعني انتي مع
الراجل يعني انتي شايفة انه صح
يعني مش هو مفروض
يحس بالست اللي اتجوزها مش مفروض يعرف ازاي يتعامل مع زوجته مش مفروض يعرف اني انسانة وواحدة من البيت
زي اولاده وان عليه واجبات اتجاهي وحقوق ربنا امره بيه ...ليه ديماً باكون اخر حاجة
ممكن حد يفكر فيها في البيت علشان مش بتكلم علشان شغالة في البيت وادبر من هنا
وهنا علشان ممكن اجي على نفسي علشان الأولاد
قلتي كل اللي نفسك
فيه
لأ هناك كتير بس
مش قادرة
انتي غلطانة
هاتخرجيني عن
شعوري
هاسألك سؤال أمك
عصبية امك جامدة امك مسكة ايدها امك شديدة ووالدك فيه حاجات كتيرماغيرتهمش ليه بتقولي لازم يكونوا كده
وكده لازم يتغيروا لازم تنصحيهم طيب بعد ماعملتي كل ده ايه اللي حصل؟ زي ماهم طيب
انتي كل شوية هاتقولي هم لازم ولا هاتتعملي مع اهلك زي ماهما بطريقتك مع طبعهم
زوجك كويس بس واقع
منه حاجات انا ادور عليها وانا ادورعلى نفسي
لازم تتفقي مع
زوجك من الأول او النصف او الأخر انك لك إحتياجات زيه هو كمان لك صحابات تحبي
تجمليهم محتاجة لبس محتاجة حاجات خاصة محتاجة كارت مش ممكن كل ما تحتاجي حاجة تقولي
له عليها تقفي زي التلميذ ولازي الأولاد تزللي ويتبكت فيك شوية وتبرري واستجواب زي
اللي في القسم امتي وفين وبكام وليه وفي الأخر يا إما طلعتي بحاجة يإما ماطلعتيش
وتحزني وتكلي في
نفسك وتزعلي وتفتكري اللي بتعمليه معاه ومع الأولاد وفي البيت ويحز في نفسك انه ماقدرش خدمة السنين وتعبك في البيت ولما تطلبي حاجة هايفة زي شبشب
تشتريه يقولك معلش خليه الشهر اللي جاي
طب الحل؟؟؟؟؟؟
الإتفاق هو الحل
الإتفاق راحة لك
وله
اجلسي مع زوجك
ولديك طريقتين لتحديد مصروفك الخاص على قد إمكانياته
هاتعدي قائمة
بإحتياجات من كسوة صيفية وشتوية وأشياء خاصة ورافيع وكارت تيلفون وتقدريها تعمل حوالي كام في السنة مثلاً الفين
ونصف بمعدل 200 جنيه تكتبيها زي ماكتبنا مصروف البيت كل فتفوتة بتحتاجيها وهناك ثلاث طرق:
الطريقة الأولى : المبلغ الشهري ....طيب هو مش هايقدر يدفع ال200
يبقى افاوض معاه وانزل ل150
طيب هايكفوا وانا قدرتها ب200
ان شاء الله
شاطرتك ابدئي اعملي جدول لإحتياجاتي الشهرية زي الحاجات الخاصة والتيلفون مثلاً 50جنيه واللبس حوالي
100 جنيه وادبر وهاقولك ازاي ندبر ونوفر ان شاء الله
وطبعاً لما تبدئي
مع زوجك ابدئي بملغ معقول يعني زي ماقلت لو هاتحتاجي 200 مع النقاش ممكن يوصلوا
ل150 او 100 المهم نبدأ والمهم انك ترفعي عن نفسك الزل والوقفة اللي تخنق والحوار
العقيم اللي بيحصل كل مرة بتطلبي فيه حاجة
والطريقة دي حلوة علشان المبلغ بيكون صغير وخفيف عليه
الطريقة الثانية :
مبلغ نصف سنوي يعنى الف في دخلة الصيف والف في دخلة الشتاء او 500 او اى رقم على
قد إمكانيات الزوج مش على قد إحتياجات
معلش انا لازم اعيش على ارض الواقع
وانتي عارفة البيت والأولاد انتي مع زوجك مدام كويس وتعالي شوية على نفسك ولكن مش كتير ومش على الطول لكل شئ حدود وربنا وضع لنا حدود في دينا وفي كل شئ
المصروف ده علشان تحفظي ماء الوجه
حتى ولو مع الزوج مهم ان يكون لك وضع محترم في البيت امام زوجك وامام ابنائك وامام
نفسك
الطريقة الثالثة: انك ممكن تتفقي معاه انك اللي هاتوفريه من مصروف البيت تاخديه
بس بصراحة انا مش باحب كده معناه انك تعقدي توفري وتفكري ازاى تطلعى فلوس لك ممكن تطلع فش شهر وممكن لأ وبعدين مش هي دية الطريقة المحترمة اللي ممكن تتعاملي بيها بصراحة انت لازم يكون لك اعتبار وحساب في البيت وقيمة انتي اللي بتبتنها او تهديها بنفسك
من انجح الطرق لك
ولزوج من وجهة نظري هي الطريقة الشهرية لإنه هايكون مبلغ صغيرعليه حتى لو قالك النصف سنوية جربيه مرة لونفعة ماشي بس ممكن تنفع مرة والمرة التانية يكون مزنوق ومايقدرش لكن لما يكون شهري هايكون ثابت زي اي حاجة فيه ظروف او مافيش ..... طبعاً ممكن تبدئي
ب50 جنيه وتزيد زيادة سنوية وهاتاخديه تحوشيه
علشان تعرفي تجمعي مبلغ كويس يجبلك حاجة انا عارفة انه مش هايكفي بس ان شاء الله هاقولك
ازاي ممكن يكفي على قد معلوماتي....
قلتي لزوجك
هاينكفك ويتريق ويضحك ويقولك ما انا بجبلك اللي انتي عايزاه صممي بأدب وبهزار
وبضحك زيه .....أخذتي المصروف مبروك عليك إحترامك لنفسك وطالباتك وحاجة حلوة تحبي تشتريها وهدية لصحبتك تحبي
تجامليها ......
وكله بالشرع
والدين لو هو مش عارفه ومش فهمه ومش واخد باله منه انا عارفاه وفهماه افهمه واطالب
بيه بإحترام وأدب
وخلي بالك الزوج يجي بالكلمة اللينة مش بالكلمة الغليظة
بما يرضى الله
تعالى
الصورة دي لما يديني مصروفي بإيده
الصورة دي بنتزع منه مصروفي من مصروف البيت
أيهما أفضل؟
ولكن ليس هناك قاعدة دائمة
كل واحدة عليها مراعاة ظروف زوجها والأنسب لها مهما كان رأي الأخرين انتي ادرى بحالك
استفيدي من الأخرين ونزليها على ارض الواقع اللي انتي بتعيشي فيه علشان تستريحي عيشي واقعك
المهم انه يكون لك مبلغ خاص مهما كانت قيمته وبأي طريقة المهم في إطار الشرع والدين وحفظ مال الزوج
يئست من كل الطرق .....أجرك عند الله عز وجل بإذن لله يبدلك عن كل ماحرمتي منه في دار الخلد هنيئا لك لا تحزني
"أن أصبت فمن الله وأن أخطأت فمن نفسي والشيطآن "
"أن أصبت فمن الله وأن أخطأت فمن نفسي والشيطآن "
أختكم أم أسوة
