أماكن شراء مستلزمات الشوكولاتة

حبيت قبل ما ندخل فى عمل الشوكولاتة أجاوب على أول حاجة ممكن تسألى عليها

 أشترى مستلزمات وخامات الشوكولاتة منين؟

ها قولك

الأدوات بتجيبها مرة واحدة وبتفضل عندك على طول وأما الشكولاتة ومشتقاتها بنجبها حسب الحاجة والطلب.

أماكن الشراء

1- بالنسبة للأدوات

1- يوجد مكان عندنا فى مصر اسمه درب البربراة (موجود فى العتبة)

هو مكان مخصص لخامات الحلويات ومحلات بيع أدوات الحلويات وهتلاقى معاها محلات بيع السبوع.

هتروحى وتسألى على محلات بيع الحلويات بتاعة التورتات وعلى فكرة هما مش كتير

محلين تلاتة ولكن هتلاقى كل ما تتخيلى من الأدوات اللى بتشوفيها فى التليفزيون هتسألى على قوالب لعمل الشوكولاتة وأسعارها جميلة مابين(3.5 جنيه و 4.5جنيه و5 و6جنيه......حسب الشكل) مش غالية.

 أشترى من كل شكل قالب واحد فقط وانتى بتصبى الشوكولاتة فيهم كلهم مرة وتكررى العملية.

وقوالب الثلج دى ممكن كل ما تخرجى وتلاقى فى سكتك واحد اشتريه علشان يكون عندك مجموعة كبيرة وحاولى يكون عندك اشكال مختلفة واشكال خاصة للأطفال علشان حفلات النجاح والعقيقة وسعره 2.5 جنيه وموجودة فى محلات 2.5 ومحلات الأدوات المنزلية ومحلات السوبر ماركت الكبيرة  زى المحمل وفتح الله ......وزى ماقلتك أى علبة شوكولاتة تجيلك احتفظى بيها القالب الذهبى اللى فيه الشوكولاتة والعلبة نفسها ممكن تحطى فيها شوكولاتة تانى ولكن علشان اسم المحل تخليها لما تزورى حد تعرفيه ،وتوصى مامتك واخوتك لما يجيلهم حاجات زى كده يبقوا يشيلوها لكِ بدل ما يرموها حرام.

ويوجد محل فى مصر الجديد اسمه درب البربراة واللى اشتروا منه بيقولوا عنده كل حاجة ونفس الأسعار بس انا ماجربتهوش.

العنوان

1 ش اسماعيل رمزى                                ميدان الجامع , مصر الجديدة, القاهرة

 بيقولوا فى 2 محل فى مدينة نصر وده عرفته من النت

العنوان

واحد بجانب شركة إنبي للبترول اللى فى عباس العقاد والتانى قدام مدرسة الحرية(مبارك سابقا) اللى موجودة ولراء النادى الأهلى

ودى صورة محل درب بربراة موجود فى المعادى

العنوان

 تقاطع شارعى 151/155 امام تاون سنتر المعادى وكاربت ستى

تيلفون 

02-23780912

ولكن الى هاتشتغل فى الشوكولاتة لازم تروح هناك علشان التغليف تشترى من محلات السبوع وأماكن الزينة أدوات وخامات تغلفى بيها الشوكولاتة وهناك فى العتبة محلات السبوع كتيرة والأشكال متعددة. وانتى هاتروحى مرة فى السنة بتجيبى كل حاجتك مرة واحدة علشان (توفرى وقتك وفلوسك).

كل الأشكال  دى خاصة بالسبوع وفى اكتر من كده وكل يوم فى إبداعات ممكن تحطى فيهم  الشوكولاتة وتشترى التل وتغلفى بيه بعد الورقة الفضى

وطبعاً انا بدلك وانتى عليكى تدورى فى النت على طرق تغليف للشكولاتة لإنك هاتشتغلى.

2- الخامات المستخدمة فى عمل الشوكولاتة

هتلاقى محل مش فاكرة اسمه ولكنه عنده كل ما تتخيلى من (الشوكولاتة والجوز الهند كذا نوع والفواكه المسكرة وعجينة السكر والكريز والكريم الشانتيه والكريمة باسترى (بودر) (وبصراحة الكريمة شانتيه السايبة مش قدرة قلولك طعمها تحفة بجد غير اللى باشتريها من العطارين اللى جنبى خالص بحس انها بودرة بيضاء وحطين عليها سكروالأيس كريم انواع (بودر) وكمان عسل الجلوكوز وده بأه بصراحة مش بلاقيه عند اى عطار لإنهم بيبيعو العسل فى صفائح لمحلات الحلويات ولكن فى درب البربلة عملينوه فى زجاجات كانت الزجاجة بعشرة جنيه بس ده من سنتين مش عارفة دلوقتى تمنه كام .......إلخ من الأشياء

نصيحة أم أسوة ان كنتى بتحبى الحلويات ومن هواة عملها وبتعمليها كتير يفضل إنك تشتريها كميات من أماكن معروفة لأن الحلويات بذات جودة الخامات فيها تغيرك الطعم كل ما كانت جودة الخامات عالية تديكى طعم تحفة وتقرب طعم حلوياتك من طعم حلويات المحلات الكبيرة.

طب هتقولى لأ دى غنية بأه ومعاكى فلوس كتير اما اهنا على قدنا كل ما نكون عايزين نعمل حاجة بنشترى على قدنا....

هأقولك لأ طبعاً ده على مسافة من جميع الطبقات.....

وانتى لوشاطرة وفرى ودبرى من مصروف البي يعنى لو كل شهر شلتى 20 جنيه وغيرك ممكن 30 حسب قدرة كل واحد يعنى خمس شهور من شهر 12 الى 4 هايكون معاكِ 100 جنيه ممكن تنزلى فى شهر 4 قبل الحر وتجيبى شوية حاجات اوفرلك واحسن لك.

وممكن واحدة تانى مش بتعرف تحوش تعمل ايه تتفق مع زوجها على ان يخصم ال20 او30 او50 حسب مصروف كل واحدة (والمبلغ اللى بيتخصم لابد وان يكون المبلغ اللى انتِ بتحطيه كل شهر لشراء حاجات الحلويات بس بدل ما تجيبى كل شهر ثمن كريمة ولا ربع شوكولاتة وكيس فانليا لأ تجيبى كيلو شوكولاتة مع كيلو كريمة ) ايه الفرق

الفرق انك لما يكون معاك مبلغ كبير ممكن تروحى العتبة مشوار ولكن بفيدة وبتجيبى حاجات كتير ممكن ما تعرفيش تجيبيها من 10 جنيه او20 جنيه يعنى ايه؟ يعنى لو انتِ  كل شهر بتجيبى اساسيات بـ 20 (دقيق - بودر- فانليا-كريمة شانتيه-وممكن شوكولاتة او اى حاجة تانية تلزم الحاجة اللى انتى هاتعمليها ) يدوبك كده ال20 جنيه ولكن ال100 ممن تجيبى اساسيات بـ 80 او70 وتسيبى 20 او30 (كريز مثلاً بـ 5 جنيه- فواكه مسكرة بـ 5 جنيه - عسل جلوكوزبـ 10 جنيه- عجينة السكر كان الكيلو من سنتين ب13 جنيه وعجينة اللوز متهيئلى كانت ب28 جنيه انت ممكن تجيبى بنصف كيلو او كيلو حسب قدرتك والحاجات دى بتقعد معاكِ فترة لإنها بتستخدم فى حلويات معينة مش فى كل حاجة)

أما لو كنتى هاتعملى الشوكولاتة مشروعك لابد وانك تذهبى الى درب البربراة علشان الأدوات. أما كل خامات الشوكولاتة موجودة عند العطارين ونفس الأسعار وممكن أقل كمان  ونصيحتى انك قبل ما تروحى للعتبة أسألى كل العطارين اللى جانبك او جنب اختك او ولدتك وخذى اسعار الشوكولاتة البنى والبيضة واالبندق وقارنى الإسعا وشوفى أقلهم ثم اذهبى للعتبة واشترى الأدوات وأسألى على الشوكولاتة لاقتيها ارخص اشتر لاقيتها نفس السعر او اعلى يبق ماتشتريش علشان انتى مشروع وعايزة تكسبى كويس.

وشوفى انا حصل معايا ايه:

اولاً الشوكولاتة اللى انا عملتها وشوفته صورها دى علشان فرح أخويا عقبال كل شباب وبنات المسلمين يارب. فنزلت اروح لعطار جنبى متعودة اشترى منه وانا فى الطريق قابلنى عطار تانى اقرب منه فسالته فلى شوكولاتة قلى أه بصراحة فلرحت ودخلت اشترى قلتله بكام القالب قالى ب47 جنيه طبعاً سيبته لإن أخر عهدى كانت ب36 وده من فترة ولكن شكيت انها ممكن تكون غليت كد ورحت للى اعرفه وسألته الشكولاتة بكام قالى القالب ب38 يعنى فرق 9 جنيه شايفن كبير جداَ قلت له طبعاً هات 2 قالب راح الراج وجيه قالى معلش خلصت وهاتيجى بالليل قالت ماش أسئل على الحاجات التانية كيلوالشوكولاتة البيضة بكام؟ ب24 جنيه وطب والبندق ب70 جنيه موجودين موجودين طب قلت لنفسى اشترى الحاجات الموجودة ولاايه وسبحان الله لاقيت نفسى خرجت من المحل وقلت اشوف عطار موجود جنب بيت خالى وموجود من زمان بدل ما انزل تانى ورحت ودخلت المحل وسئلت (شوكولاتة الخام بكام القالب؟ب36 والبيضة ؟ ب20 والبندق بكام؟60 ) طبعاً اشتريت على طول شايفين انا وفرت اد ايه من السؤال والتروى(هاقارن مابين الثانى والتالت لأن الأول مش فى الحسبة وفرت2جنيه فى البنى والبيضة وفرت 4 جنيه والبندق وفرت 10 جنيه =16 جنيه بالله عليكى مش انتى احق بيهم ولا لأ، وأما الألوان الصناعية ممكن تشترى ب2 جنيه يقعدوا معاكى سنة.

الكيس الواحد ب2 جنيه

 وعند العطارين هايحطهم فى كيس وفى الدرب البرابرة كانوا فى زجاجات صغيرة زى زجاجة الفانليا وروائح الكعك والألوان أحمر وأصفر وأخضر وأزرق وانت منهم تركبى الألوان التانية هانعرف ازاى نحط لونين على بعض يطلع لون تالت.

 

إنتظرونى فى

أسرار فى عمل الشوكولاتة