كل سنة وانتم طيبن وبرمضان فرحنين وبالطاعة وموفقين
أوعى تنسى تهنى أحبابك وأصحابك وقبلهم رحمك
هذه طريقتى المتواضعة فى التهنئة أقدمها لكم لعلها تفيد أحداً منكم
وهى كالأتى:-
إعداد لستة بأسماء الأقارب والأصحاب لتهنئتهم بشهر رمضان الكريم وتضم هذه اللسته عائلتى (من الأقرب أولاً الى الأبعد) وكذلك اهل زوجى (من الأقرب الى الأبعد ) والأصحاب واصدقاء والدتى وامهات اصحاب زوجى، فأنا فى هذا الشهر احاول ان اتصل بكل ما لدى تيلفونه او استطيع ان احصل عليه (اهتم جداً ان اصل رحمى من خلال التيلفون واحاول ان اتصل بكل ماهو قريب اولاً ثم كل من هو بعيد ولكنى اعرفه واعرف تيلفونه حتى ولم يتصل بي وليس بينى وبينه غير ان فى رمضان والأعياد لابد وان اقوم بهذا وهو لسببين...
إعداد لستة بأسماء الأقارب والأصحاب لتهنئتهم بشهر رمضان الكريم وتضم هذه اللسته عائلتى (من الأقرب أولاً الى الأبعد) وكذلك اهل زوجى (من الأقرب الى الأبعد ) والأصحاب واصدقاء والدتى وامهات اصحاب زوجى، فأنا فى هذا الشهر احاول ان اتصل بكل ما لدى تيلفونه او استطيع ان احصل عليه (اهتم جداً ان اصل رحمى من خلال التيلفون واحاول ان اتصل بكل ماهو قريب اولاً ثم كل من هو بعيد ولكنى اعرفه واعرف تيلفونه حتى ولم يتصل بي وليس بينى وبينه غير ان فى رمضان والأعياد لابد وان اقوم بهذا وهو لسببين...
1- لصلة الرحم كما قلت ولو بأقل شئ وهو الإتصال
2- إدخال السرور على مسلم ....يا ياريت تكونى معايا علشان تشوفى وتسمعى الناس اللى بتصل بيهم أد إيه بيكونوا سعداء بإتصالى ليس لحبهم لى فقط ولكن لمجرد تذكرهم باتصال.... الإتصال وحده يكفى لإسعدهم وخاصةً من ليس لكى بهم علاقة قوية ولا يتوقع اتصالك إلا لو حرصتى ان تفعلى هذا كل عام ويكفى ان تكونى سعيدة عندما يستقبلون تليفونك بفرحة وسعادة فتشعرى انك فعلتى شئ بدون اى مجهود.
طيب الناس اللى بيبكتونى لما اتصل ويقولوا انتى لسة فاكرة انك ليكى……واول ما افتكرتى ياهانم…………..الخ حسب قدرة كل واحدة فى الإبداع فى التبكيت واللوم .....باعمل معهم ايه ....بجد قبل اجراء المكالمة لو انتى متوقعة هذا السيناريو اربط على نفسى واعصابى وأتهيئ وخصوصاً لو صلة رحم واملىء صوتى كالعادة بالفرحة وابدئها السلام عليكم ياجميل مش عارفة انا مين اه مانتى مبتسئليش على العموم كل عام وانتى بخير ويارب اشوفك فى الكعبة السنة الجاية (كونى بكاشة) ولا انتظر ان استقبل كلام منها اكثر من الرد وهكذا وادعو لها يارب تخفى ياجميل وتكونى فى احسن حال و…………وهكذا حاولى ان تمتصى اللى أمامك دون ان تعطيه فرصة للكلام السئ واذا تكلم تجاوزى عنه ولو اتهمتك باشياء ونفسك تبرئ نفسك منها تجاوزى عن كل ماتسمعينه وحاولى ان تكون انتى من يتكلم اكثر.
إزاى أسجل الأسماء؟
اجيب ورقة واعمل خط فى النصف وابدء اسجل اسماء فقط كل من يأتوا على خاطرى واحطها فى اجندة التيلفون ولما يأت ميعاد الإتصال أجيب الأسم من جدولى ثم أبحث عن رقمه وأقوم بالإتصال (هاتقولى لا العذاب ده منا اجيب اجندة التيلفون واتصل منها على طول ....ممكن ولكن انا بحب اعمل الشئ منظم وارقام التيلفونات مسجلة ابجدياً وانا كما قلت ارتب اتصالاتى تنازلى من الأكبر والأقرب الى الأصغر والأبعد وكل ما أعمل اتصال بعمل علامة صح عليه بالقلم الرصاص علشان اعرف انى اتصلت به وعندما انتهى احتفظ بالورقة للأعياد وبعد كده امسح علامات القلم الرصاص واحتفظ بيها لأى اتصالات أخرى.
مثال لجدول الأسماء
| ابى…………. | اهل زوجى |
| امى………. | اقارب اخت زوجى وحماتها…… |
| عمتو…… | عمو ………….. |
| خالو…………. | عم زوجى …………… |
| خالة زوجى……………. | أم صديق زوجى………. |
| خالة أبى………… | عمة أبى………….. |
| بنت عمى………………. | بنت عمى………….. |
| بنت عمتى……………. | اصحاب الوالدة…. |
| زوجات اصحاب زوجى………….. | الخ من الأسماء حسب ما لديك من معارف أين الثواب؟ |
إذاً اتصالك فى حد ذاته واجب عائلى عليك فعله ولكن إذا جددتى النية فيه ولم تقومى بعمل الإتصال لمجرد انك لازم تعملى كده وانك خايفة من عمة تهزئك او حد اتصل بيكى ولازم تردى الإتصال وجعلتى نيتك فى الإتصال خالصة لوجه الله وانك تقومى بالإتصال لصلة رحم وإدخال السرور على مسلم فتقومى بعمل الإتصال الى كل من هو حبيب لك ومكروه ولكنه صلة رحم لايمكن التجاوز عنها. وبكده تكونى حولتى عمل عادى يومى تقومين به لاتثابى عليه او تعاقبى عليه الى عبادة ان شاء الله تؤجرى عليها.
ده انا عندى ناس كتير وقبل رمضان بكون مشغولة جداً لتجهيز حاجات رمضان ماعنديش وقت اخصصه للكلام فى التيلفونات.
هو ده احسن وقت ممكن اتكلم فيه لو انتى هاتكلمى ناس على الموبايل اوعندك تليفون لاسلكى زى.... بأخذ التليفون وانا باشتغل فى المطبخ واعمل تليفوناتى كلها وانا شغالة وبكده مابضيعش وقت وباحرص ان المكالمة تكون قصيرة تشمل التهنئة والسؤال عن الأحوال والصحة والدعاء فقط ولا ادخل فى موضوعات اخرى حتى لااخرج من هدف المكالمة لكى استطيع ان اقوم بكل الإتصالات.
العملية دى ممكن تأخذ من يومين الى تلاتة ، كل يوم عند العمل فى المطبخ اقوم باللى أقدر عليه من اتصالات حتى تنتهى قبل رمضان وعادةً بتكون قبل رمضان باربع او خمس ايام.
علشان افرغ نفسى لعزومة (هى مش عزومة انا لا احسبها كذلك انما هو واجب علية) اجتماعى انا وزوجى مع ابيه وأمه أول يوم.
وياريت تعرفى لو زوجك ملهوش خير فى أهله مش هايكون له خير فيكى ولا انتى هايكون ليكى خير فيه....ولا انتى هايكون ليكى خير فى أولادك وزوجاتهم .....وأوعى تنسى مسيرك يامرات الابن تبقى حماه
وياريت تعرفى لو زوجك ملهوش خير فى أهله مش هايكون له خير فيكى ولا انتى هايكون ليكى خير فيه....ولا انتى هايكون ليكى خير فى أولادك وزوجاتهم .....وأوعى تنسى مسيرك يامرات الابن تبقى حماه
وزرونى كل يوم مرة وأوعوا تنسونى بالمرة
أختكم أم أسوة
