Read my blog in your own language

EnglishFrenchGermanSpainItalianDutchRussianPortugueseArabic

بسكويت سهل وسريع بالصور خطوة بخطوة

الخميس، أكتوبر 11، 2012
 
 
 
 
 

هذه الطريقة اعتمدتها للبسكويت ولا أغيرها انما أغير الأشكال والتزين
بسكويت سهل وسريع وخفيف وهش زى الجاهز بالظبط
وللحقيقة انا أخذت طريقته من مامتى ربنا يخليكى لية ياماماتى... أه ماهو برضوه ماما شاطرة وهى كان اتفرجت عليه فى التلفزيون وعجبها وجربته وقالت لى عليه وعاملته تحفة تحفة.

أولاً:- عمل العجينة
يلا بينا على المقادير
كوب وتلات تربع كوب دقيق وينخل جيداً للتأكد من خلوه من أى شوائب

 
تلات تربع كوب زبدة

وبنفس الكوب اللى باقيس بيه الزبدة اقيس بيه السكر والدقيق
وياريت يكون الكوب متوسط زى اللى فى الصورة (الكوب المناسب للشاى) علشان يبقى مناسب مع البيضة ..... لإنك ممكن تعملى كوب كبير كمياتك مظبوطة لكن البيضة صغيرة او كبيرة لا تناسب الكوب ....انا جربت كوب الشاى المتوسط  الموجود فى الصورة عجنتى كانت مظبوطة 100%
نصف كوب سكرناعم(يعنى لازم تطحنينه وتخاليه ناعم)
حبة ملح صغيرين
بيضة واحدة + كيس فانليا صغير(معلقة صغيرة)
كيس كيك شيف كامل(وهوعبارة عن بيكنج بودر ومحسن خبز مع بعض)
ولو مفيش يبقى كيس بيكنج بودر
الطريقة
1- يضرب السمن والسكر جيداً حتى يصبح الخليط كريمى
2- تضاف البيضة والفانليا ويضرب جيداً
3-يتم خلط المكونات الجافة مع بعض (الدقيق والبكينج بودر والملح)


4- يضاف الخليط السائل على خليط المكونات الجافة
وتدعكى باليد (هتلاقى العجينة طرية جداً ولكن ما بتلزق فى اليد وكأنك عايزة تحطى دقيق (وأوعى تحطى دقيق) لمى العجينة كويس باليد هتتلم معاك ومش هتمسك إلا ماتتحط فى الثلاجة شوية

 هذا شكل العجينة هاتحثى انها كلها سمنة ولايهمك اوعى تحطى دقيق

واقسمى العجينة الى اجزاء
  اتركى جزء بدون لون

 واحطى فى كل جزء لون
 
ادعكى العجينة كويس حتى تصبح العجينة كلها لون واحد

هذا اللون الأحمر

 هذا اللون الأخضر
 هذا اللون الأصفر

اللون البنى ( عبارة عن رشة كاكاو او نسويك شكولاتة او حتى قهوة او كابتشينو )


 
هذا شكل أكياس الألوان بتتباع سايبة عند كل العطارين (تقولى له عايزة الوان طعام) الكيس اللى انتى شايفه ده ب2 جنيه يقعد معاك كتير جداً

  شيلى كل جزء فى كيس

واحطيهم فى الثلاجة يرتاحوا شوية صغيرين مش نصف ساعة ولا ربع ساعة... ليه؟ ده الشيف بيقول نصف ساعة ...
انا جربت النصف ساعة ... العجينة فيها سمنة "ايه اللى هايحصل هاتجمد ولما تتطلعيها هتلاقى السمنة حول العجينة جامدة فتتركيها بره الثلاجة شوية علشان تسيح ..شغلانة يعنى..
وانا باعمل ايه لو انتى فى الشتاء غلافيها وحطيها على جنب فى المطبخ هاتمسك نفسها ولو كنا فى الصيف بحطها فى الثلاجة يدوب تمسك نفسها واطلعها
ثانياً :- فرد العجينة
بعد ما ترتاح العجينة

ارش دقيق على الرخامة واحط العجينة وارش فوق العجينة علشان ماتمسك فى النشابة وامسح النشابة بالدقيق 
 هذه النشابة الناعمة افضل من الخشب لإنها بتديكى سطح العجينة ناعم ولكن لوعندك الخشب شغالة برضوه وحاولى بإيدك تظبطى اى حاجة

هذا شكل العجينة بعد الفرد ولكن ما تخفيش بتزقى العجينة بإيدك من كل جانب  وترشى على الوش دقيق لو لاقيتى انها بتلزق فى النشابة

شفتى شكلها بقى متساوى ازاى ولكن انتى خلى بالك وافردى كويس بإيدك ظبطى
شايفة سطح العجينة ناعم ازاى
ثالثاً:- تشكيل العجينة
الأدوات
عبارة عن قطاعات البسكويت ولو ماعندكيش اى غطاء زجاجة او برطمان اوكوب بأى حجم ممكن تقطعى بيه



نبدء نقطع
غطسى القطاعات فى دقيق علشان سهولة اخراج العجينة وعدم لازقها فى القطاعة حتى الكوب او الغطاء المستخدم غطسيه فى الدقيق


اقطع الوردات الكبيرة والأمكان المتبقية استخدم القلب او الغطاء ( القطاعة الشفافة اللى امامك دى بتيجى مع بعض علب أدوية الأولاد للقياس باخذها قبل ما استخدمها واحتفظ بيها وكل ما الاقى حجم مختلف احتفظ بيه)

 
ثم اشيل واحدة واحدة براحة بالسكينة على ايدى وانفخ منها الدقيق الزائد وانزلها فى صينية غير مدهونة (ليسسسسسسسسست مدهونة)


الأشكال المختلفة من العجينة

1- تيجيبى اى لونين وتفرديهم بجانب بعض وتزقيهم وتلزقيه فى بعض

ثم تبدئى تستخدمى الوسط فى تقطيع اشكال مختلفة

تقصى الزائد من اللونين وتزقيهم على بعض حتى يلتصقوا مرة ثانية وتفعلى كالأول

وممكن تجيبى لونين زى بعض وفى وسطهم لون مختلف وتكون القطاعة هاتجيب الثلاث ألوان وممكن الثلاث ألوان مختلفة ولو القطاعة كبيرة هاتكبرى ولو القطاعة صغيرة هاتعملى شريط رفيعة من العجينة وتلزقيهم علشان القطاعة تجيب كل الألوان وانتى ممكن تدورى على اشكال مختلفة والمجال مازال مفتوح فى تطوير الأشكال
أهم حاجة ان يكون لديك وصفة مظبوطة تعملى عليها أى شكل وأى تزين

ممكن تفردى عجينة بلون وتفردى واحدة تانية وتحطيهم على بعض وممكن واحدة تالتة وتلفيهم سويسروال(يعنى تلفيهم على بعض زى الإسطوانة)
 






 تقطى السويسروال(وتحطيها نايمة مش واقفة) هاتشوفيها فى السوى

 نبدء نسوى ..هذا البسكويت رقيق ما بياخذ وقت بالمرة نشغل الفرن عايزين درجة حرارة متوسطة او اقل شوية كأنك بتسوى البيتى فور أنا مثلاً باسويه على 160 بتدريج الفرن بتاعى شوية تحت واول ما  الاقى حرفه احمر سنة ابدء اطلعه على الشبكة فوق واحط الصينية التانية وهكذا 


واطلع احط على شبكة الشواية وممكن بلاش وتطلعى على اى طبق بعد ما يهدء


وهذا شكله النهائى  الأبيض والبنى بعد التسوية وخلى بالك أوعى  يحمر منك اوى يادوب تحسى ان احمر علشان قعره من تحت يكون فاتح وجميل زى الجاهز



وهذا شكل الألوان وبسكويت الألوان يمكن تقديمه كده بأشكاله التحفة او تزينه بطرق أخرى
نروح للتزين
الحمد لله الذى بنعمته تتم الصالحات وكده يبقى خلص الموضوع الأساسى ولكن مستمرة فى تجربة أشكال جديدة والبحث عن أفكار مختلفة فى التزين
وسانقل لكم كل ما أتعلمه بإذن الله تعالى
أختكم أم أسوة
أنتظر ولو كلمة شكر فقط
 
غير معرف في : الأحد, أغسطس 18, 2013 6:46:00 ص يقول...

تسلم ايدك جميل جدا والله

غير معرف في : الأحد, يناير 05, 2014 6:04:00 م يقول...

شكرا جزيلا واتمنى المزيد من الوصفات

ندى الورد في : الأحد, يناير 05, 2014 6:06:00 م يقول...

شكرا جزيلا واتمنى المزيد من الوصفات

ام مالك في : الأربعاء, فبراير 05, 2014 9:16:00 م يقول...

جزاكى الله كل خير وتسلم ايدك

ام مالك في : الأربعاء, فبراير 05, 2014 9:18:00 م يقول...

جزاكى الله كل خير وتسلم ايدك

{ كوني أسوة } في : الأحد, فبراير 09, 2014 4:21:00 ص يقول...

جزاكم جميعاً كل الخير على الرد واتمنى ان تكونوا جربتوه وبشهادة من تذوقه تحفة ولمل يتزوق بيكون اجمل وانا وضعت موضوع في تزينه

 

سجل بريدك عندنا ليصلك جديدنا

Google+ Followers

مرحباً بكل متابعينا ومستنينك ويانا....

Share It

عدد مرات مشاهدة الصفحة .. ويارب يزيد ويبارك

عن أم أسوة

صورتي
أنا امرأة أهتم بكل ما يقربنى من ربي أولاً، واهتم بكل ما يسعد اسرتى (زوجى واولادى) ثانياً، واسعى الى هدف واحد وهو كيف اجعل من حياتي فى الدنيا هى  زداً لي فى الآخرة. موقع  كوني أسوة