المقادير
كوب أرز مصرى
نشا
كيلو لبن
علبة ايس كريم دريم(لإن دريم فى رأى أفضل نوع وأحلى طعم وده من خلال تجربة أنواع كثرة لرخصها قليلاً ولكن فرق الطعم يستاهل دريم ولو أغلى) أو كريم شانتيه دريم
سكر أوشربات
شربات
للتزين
قرفة
مكسرات
زبيب وجوز الهند
كريم شانتيه
الطريقة
ينقى الأرز من الشوائب جيداً ويغسل الأرز جيداً ويصفى ثم يوضع فى حلة كبيرة ومعه قليلاً من الماء (مجرد يغطى الرز بقليل وتهدئ النار) ويجب عليك متابعته جيداً حتى لا يلزق الأرز فى الحلة أو يشرب مائه ويعجن .
فعليك أن تقلبيه كل شوية وكل ما ينقص الماء تزيدى ماء أولبن
فى طريقتين 1- انك تسوى الأرز فى الماء حتى يستوى تماماً ثم تزيدى اللبن وباقى المقادير للحصول على القوام وده كويس وانا باعمله ويعطى طعم زى الفل
2- او ان تسوى الأرز فى اللبن بدون ماء ولكن لابد من نقع الأرزقبل تسويته فى ماء دافئ حتى ينفش ويسبوى كويس مع اللبن وتزيدى من اللبن حتى يستوى تماما (بدون اى ماء) ثم تزيدى اللبن وباقى المقادير وده يعطى طعم احلى والأرز بيكون غنى باللبن ودى طريقة عمة الأولاد ( إيمان) فى الأرز باللبن ولكن تحفة ولكن ال2ك لبن يعملوا مقدار كيلو لبن ولكن الطعم اللى هاتحصلى عليه يستاهل جداً!!!!!!!!!!!!!
نكمل
المهم عندما يستوى الأرز جيداً نبدأ بإضافة السكر وسر الطعم ممكن لو عندك شربات يديك طعم افضل والكمية حسب مابتحبى الحاجة مسكرة ولازم تتذوقى لتعرفى الطعم (بمعلقة صغيرة وخذى حبة وشوفى الطعم) ودائماً بنحط كمية قليلة علشان لوعايزة تزودى
وبعد كده نذوب ملعقتين نشا كبيرة فى ربع كوب ماء صغير جيداً ونضعهم فى الأرز باللبن ( ما ينفعش تحطى النشا بودر فى الرز باللبن علشان هايكلكع منك لازم تذوبيها فى الماء أولاً ) وإذا احتجتى نشا ممكن تزودى بنفس الطريقة ولكن فى الأرز باللبن باحب يكون سايب يدوب ماسك نفسه واول ما تحطى المعلقة تجديه سايب وسرالطعم علبة الأيس كريم بطعم الفانيلا وتحطيها كلها على الكيلو وهتلاقى طعم مختلف (ممكن تحطيه بودر تذوبيه مع النشا وممكن تحطيه ايس كريم جاهز) ومكن تحطى كريم شانتيه وممكن قشطة كل هذه الإضافات تجعل الأرز باللبن بتاعك غنى الطعم ومختلف عن غيرك.
هذه صورة لطبق أرز باللبن سادة بدون تزين
وهذه صورة من قريب
وهذا جزء من الكمية اللى عملتها
وانا باحب احط فى كاسات العصير الشفافة بيبقى شكلها حلو
وهذه صور الأطباق بعد التزين
هذه الكاسات وضعت فيها مكسرات (عدة بندق ولوز أوسودانى ) اللى عندى باحطه وزبيب
هذه الأطباق زوقتها بالقرفة والزبيب والقرفة حلاوتها ممكن ترسمى اشكال
هذا شكل
وهذا شكل أخر
وممكن ترسمى حروف أولادك
على فكرة الحرف H ده مش موجود عندنا مش عارفة انا عملته ليه
والقرفة تزوقى بيها أزاى (حطى حبة فى طبق وامسكيها بصوابعك وابدئى نزليها براحة وارسمى اللى انتى عايزه ولكنى حددى اللى انتى عايز تعمليه الأول فى دامغك قبل ما تبدئى)
الأرز باللبن بالشكولاتة
بعد ما اصب الأرز باللبن اترك قليلاً فى الحلة واضيف اليهم كاكاو او شكولاتة سائلة واقلب ثم اغرفه والطعم تحفة بجد
وان شاء الله الصور قريباً
