إستعدى لتغيرى من نفسك لتستيعدى زوجك

أختى وحبيبتى

اقدم لكِ حديث طريف أتخيله مع نفسى ومع فكر بعض من النساء

بيتوتة جداً تتحدث مع شخصية من نسج الخيال اسمها بيتوتة ام العيال

   

 

بيتوتة جداً:هل فكرتى يوم ان تسترجعى ذكريات اول الزواج والرومانسية التى كنت تشعرى بها مع زوجك فى زحمة هذه الحياة

اذا كنتى تقومين بهذا بالفعل فانتى بالفعل تحبى زوجك وتريدين الحفاظ عليه واذا كنتى لم تفعلى فالحقى نفسك

بيتوتة أم العيال: هااااااااهااااهاااا

وهكذا ضحكت لما قلتها كده وقالت

والله انتِ بضحكينى لما تقولى كده رومانسية ايه لا أنا فاضية ولا العيال ها تخلينى اعرف اعمل اللى انتى بتقولى عليه ولا كمان هو فاضى وها يضحك علية

بيتوتة  جداً: حاولتى وفشلتى لما عملتى ولا انتى بتقولى كده وخلاص

بيتوتة أم العيال:لاه طبعاً جربت مرة ولبست وغيرت لون شعرى ولما شافنى قالى ايه اللى انتى عملتيه فى نفسك وضحك علية ومن ساعتها ما عملتها تانى

(وممكن واحدة تانية لسة مجربتشى ولكن هى عارفة ان ممكن زوجها يتريق عليها ويقولها انتى ايه اللى عملتيه فى نفسك لما تكون متذوقة

بيتوتة جداً:لازم طبعا يتريق اول مرة ما هو لو متعود على كده ما كنش عمره اتريق (وجوزك على ما تعوديه) ولو كنتى من ساعة ما تجوزتى حافظتِ على المعدل بتاع الرومانسية كان ها يبقى مستنى اليوم اللى انتى بتجهزى نفسك فيه، ده كمان ممكن تكونى (زدتى الطين بلة) لما عملتى ولونتى شعرك بلون بيكره وانتى مش عارفة او لابستى لبس مش بيحبه

بيتوتة أم العيال:والله انتى شكلك فاضية وما عندكيش عيال ولا ممكن يكون عندك خادمة وعشان كده بتتكلمى فى الوسع

بيتوتة جداً: انتى عيذه تجادلى ولا عيذه بجد تبدئى من جديد وعلى فكرة انا عندى عيال والفرق بينهم كلهم سنتين وما عنديش خادمة وشقتى كبيرة وبانظفها لوحدى ولكنننننننننننننن بحب زوجى وماحبيشى يجى اليوم اللى يلاقى انه مش محتاج ام العيال ومحتاج واحدة هاى لايت ويبقى عايز يدور عليها اوتظهر هى امامه.

وعلى فكرة بعض من الرجال اللى بيروح يتجوز او حتى بيمشى مع واحدة يبقى عايذ الجزء ده كلام الحب والرومانسية ويبقى محتاج اللى تخلييه يعيش هذه الأجواء وينسى معها العيال والطلبات والبيت اللى العيال ماكركيبينه وريحة الطبيخ اللى ملاية البيت ومنظر الجلابية اللى انتى لابسها سواء الكستور او الفسكوز

بيتوتة ام العيال: انتى عارفة الجلابيات اللى باشتريها بكام ده انا باشتريها من انظف حتى وغالية مش رخيصة

بيتوتة جداً: شوف انا بقول ايه وانتى بتقولى ايه لو استمرتى على كده يبقى مصيرك بين تلاته من اللى شوفته بيحصل مع الأخرين

الأول:ان زوجك هايقبل بالوضع ويستسلم وحياتك هاتكون روتينية جداً وانتى فرحانة ان زوجك ما رحش منك ولكن انتى روحتى من قلبه وستصبح الحياة فاترة بينكم

الثانى:زوجك ها تظهر واحدة امامه تشعره بالحب والكلام الرقيق والملابس يميل اليها اذا كان شخص عادى ولوكان ملتزم ها يحتاج لواحدة تشعره بالحب وانه لسة موجود وها يطرق باب الزواج

الثالث:او الخناق الدائم وهو وسيلة للتنفيس بالنسبة له وفى المعظم يؤدى الى الانفصال وانتى من ستبكى

هنقول انا وانتى stop

بيتوتة جداً:ها ننسى كل الكلام اللى اهنا قلناه وها نبدأ من جديد واحدة واحدة مع بعض

موافقة يا جميل

بيتوتة أم العيال: موافقة ولكن ها عمل ايه مع العيال وشغل البيت وكمان ال بيتوتة جداً:بس..كل ده ها قولك عليه بس انتى يكون عندك استعداد

بيتوتة أم العيال:انا خلاص تحمست وعندى استعداد

بيتوتة جداً: الله عليكى هو ده الكلام

وطبعاً كلامنا هنا ها يكون الأستفادة الأكبر منه للى لسة حديثة عهد بالزواج واللى لسة فى سنوات زواجها الأولى ولكل واحدة عندها إرداة قوية للتغير وتستطيع ان تغير حياتها،وكمان ها تستفيد الزوجة اللى بتعمل الكلام ده من الأفكار اللى ها نقدمها ان شاء الله

ولكن يجب عليكى وعلية قبلك ان نعلم بعض الأمور عن ميثاق الحياة الزوجية لكى نعلم لماذا نفعل هذا وعلينا ان نحفظها جيداً وان نعمل بها…


بقلم / أم أسوة (بيتوتة جداً)