حلقتنا النهاردة بعنوان (إعداد قائمة بإحتياجاتنا خلال رمضان والعيد)
هذه القائمة عبارة عن عدد من الأوراق أو أجندة ولكنى بافضل اوراق منفصلة وقلم (علشان كل ورقة بكتب فيها قائمة أعمال وأدبسهم وكل ماأنتهى من ورقة أقطعها وأرميها ) بكتب فيها كل إحيتاجاتى أنا وأسرتى المطلوبة خلال شهر رمضان والعيد علشان أخلصها قبل رمضان (والتى تحتاج منى خروج حيث قطعنا عهداً انا وزوجى أول زواجنا ألا نخرج فى هذا الشهر لشراء اى شئ .....والأسباب -ألا نضيع مننا صلاة التراويح- اوتضيع ليلة قدر نحن نحتاج اليها-او نخرج فى زحمة من غير لزمة وكمان كل المحلات بتخرج اسوء ماعندها لإنها تعلم ان الناس لازم هاتشترى) وكمان علشان ما أشغل بالى بأى أشياء سوى العبادة فقط والتمتع فى هذا الشهر من أول يوم إلى أخر يوم
هذه القائمة تشمل:-
1- هاتجيبى الورقة الأولى وتكتبى فيها(1-2-3) كل الإصلاحات المستعجلة زى تلاجة هاتصلحيها أو بوتجاز......إلخ الحاجات اللى ممكن تعكنن على ست البيت ...ظبطيها علشان تستريحى.
2- هاتجيبى الورقة الثانية وتكتبى فيها(1-2-3) كل الأشياء التى تودين شرائها على رمضان او العيد زى سجادة علشان العيد أو فوط او ملاية او حلة......إلخ للتجديد فى العيد أشتريها وشليها لحد العيد(علشان منشغلش نفسنا فى رمضان ونخرج ونضيع مننا صلاة التراويح او ورد قرأنى أو صلاة اونشغل دماغنا خلال ايام العتق من النار)
3- هاتجيبى الورقة الثالثة وتكتبى فيها (123) أحتياجات الأولاد وأنتى وزوجك من ملابس جديدة للعيد "بكتب تفاصيلها ماهى؟ومكان شرائها؟والمبلغ المحدد لها؟"(علشان هانشتريها قبل رمضان بلاش نخرج ايام العتق من النار والدنيا بتبقى زحمة وعلشان تلحقى تيجى بدرى تخرجى وماتصليش التراويح وأحياناً العملية بتأخذ يوم واتنين وتلاتة علشان تيجبى كل حاجة وساعات بتفضل للوقفة وممكن تضيع ليلة أواكتر من ليالى القدر منك ..وزوجك لما بيخرج معاكِ بيعكنن علكِ زى الزحمة مابتعكنن عليه...... حرام عليكى انتى محتاجها)
4- هاتجيبى الورقة الرابعة وتكتبى فيها(123) كل المشاوير او الزيارات الأسرية او المرضية او مصالح عليكى أن تقتضيها لإنهائها والقيام بها قبل رمضان ...يعنى لو كنتى أم وعندك عروسة خلصى حاجاتها قبل رمضان ولو كان عندك فرح هاتحضريه فى العيد خلصى حاجاته قبل رمضان.
5- هاتجيبى الورقة الخامسة وتكتبى حاجات تخصك انتى وبتعمليها من مالك الخاص اواعمال تخص جمالك قبل العيد او أعمال خيرية زى شنط رمضان لابد ان تشتريها وتوزيعها ..الخ.
ماتنسيش بعد مابكتب إحتياجاتى باعرضها على زوجى قبل التحرك لإى مكان وهذا لمناقشة التالى:-
1- مالذى سنشتريه وماهو الضرورى وماهو مهم وماعلينا تأجيله وما المبلغ المكرر صرفه وبعدها أخرج بالقائمة اللى اتفقنا عليها وتسمح إمكانياته بها( خليكى حنينة عليه ولو شفتى ان هناك حاجات ضرورية فى نظرك وهومعصلج فيها حاولى ألا تلحى فيها فى نفس الوقت او أطلبيها برقة ولطف أو أجلى المناقشة لوقت أخر ولو استحال مناقشتها لازم تفكرى وتقولى الحمد لله أحنا أحسن من غيرنا برضوه)
2- متى سنخرج وكام مرة سنخرج لإنهاء ماعلينا.
5- هاتجيبى الورقة الخامسة وتكتبى حاجات تخصك انتى وبتعمليها من مالك الخاص اواعمال تخص جمالك قبل العيد او أعمال خيرية زى شنط رمضان لابد ان تشتريها وتوزيعها ..الخ.
ماتنسيش بعد مابكتب إحتياجاتى باعرضها على زوجى قبل التحرك لإى مكان وهذا لمناقشة التالى:-
1- مالذى سنشتريه وماهو الضرورى وماهو مهم وماعلينا تأجيله وما المبلغ المكرر صرفه وبعدها أخرج بالقائمة اللى اتفقنا عليها وتسمح إمكانياته بها( خليكى حنينة عليه ولو شفتى ان هناك حاجات ضرورية فى نظرك وهومعصلج فيها حاولى ألا تلحى فيها فى نفس الوقت او أطلبيها برقة ولطف أو أجلى المناقشة لوقت أخر ولو استحال مناقشتها لازم تفكرى وتقولى الحمد لله أحنا أحسن من غيرنا برضوه)
2- متى سنخرج وكام مرة سنخرج لإنهاء ماعلينا.
وممكن قائمتك تزيد أوتقل عنى حسب إحتياجاتك وقدراتك المادية وإلتزاماتك .....إلخ ولكن المهم فى الفكرة نفسها وهى إنهاء كل ماعليك من طلبات للتفرغ للرمضان.
الإستفادة:-
1- اننا مش هانخرج فى رمضان خالص لحد العيد لشراء أى شئ ممكن نخرج لعزومة فقط ونرجع على البيت على وقت القيام.
2- مش هنضيع مننا ليلة قدر ولا صلاة تراويح ان شاء الله لازم نحرص عليها علشان ربنا يبلغنا هذه الليلة.
3- هاتشترى حاجاتك فى الهدوء وبراحة وعلى مهلك ...يبقى ليه تسيبى نفسك للزحمة.
إمكانية تحقيق هذا:-
1- لو قدراتك لن تستطيع توفير هذا فى هذا الوقت القليل يبقى بعد رمضان تكونى عاملة جمعية علشان تقبضيها على رمضان القادم إن شاء الله علشان تخلصى حاجاتك وممكن تدخلى زوجك بالجزء اللى بيدفعوا من إلتزمات عليه فى هذا الشهر بدل مايدفعو مرة واحدة ويكون ده حاله
الإستفادة:-
1- اننا مش هانخرج فى رمضان خالص لحد العيد لشراء أى شئ ممكن نخرج لعزومة فقط ونرجع على البيت على وقت القيام.
2- مش هنضيع مننا ليلة قدر ولا صلاة تراويح ان شاء الله لازم نحرص عليها علشان ربنا يبلغنا هذه الليلة.
3- هاتشترى حاجاتك فى الهدوء وبراحة وعلى مهلك ...يبقى ليه تسيبى نفسك للزحمة.
إمكانية تحقيق هذا:-
1- لو قدراتك لن تستطيع توفير هذا فى هذا الوقت القليل يبقى بعد رمضان تكونى عاملة جمعية علشان تقبضيها على رمضان القادم إن شاء الله علشان تخلصى حاجاتك وممكن تدخلى زوجك بالجزء اللى بيدفعوا من إلتزمات عليه فى هذا الشهر بدل مايدفعو مرة واحدة ويكون ده حاله
يبقى كل شهر لما يدفع 100 جنيه مثلاً لن يشعر بيهم احسن ما تيجى تقوليله انا عايزة او الطلبات تحتاج الى 1000 جنيه.
و لو كنتى تنتظرى جمعية تقبضيها فى رمضان او تنتظرى مبلغ ما سيأتى اليك بعد دخول رمضان يبقى ممكن تدبرى مبلغ من والدتك او والدك او اختك على ان ترديها فى الشهر المقرر لك أخذ المبلغ فيه وهذا لتوفير الوقت عليك وإستغلال الشهر
ملحوظة مهمة جداً .....لاتضعى نفسك فى مأزق او سلفة لا تعلمى متى سترديها وعيشى رمضان هذا زى ماكنتى واعملى من برنامجنا اللى تقدرى عليه وابقى اعملى حسابك من رمضان اللى جاى ان شاء الله...... وانا حذرتك اوعى توقعى نفسك فى مشاكل.
2- أما اللى شايفة ان زوجها ممكن يتحمل ويجى على نفسه ويقدر يدبر المبلغ وهذا هايوفر له وجع دماغ ووقت وهذا للى وقته مهم بالنسبة له او مابيحبش يخرج فى رمضان علشان العبادة او الزحمة فتطرح عليه الفكرة فتعجبه الفكرة ويساعدها على تنفيذها.
أنبه واكرر!! لابد يأختى وياحبيبتى مشاورة زوجك وأخذ رأيه فى إمكانية تحقيق هذا وقدرته على توفير المبلغ وهل من الممكن ان تقوموا بهذا قبل رمضان ولا لأ ..لو أمكن يبقى خير وبركة ولو أمكنش الدنيا محصلش فيها حاجة ممكن الفكرة تروق له ولكن الظروف لاتسمح بتنفيذها فى رمضان هذا ويخبرك انه ممكن يعمل حسابه بعد كده فى جمعية قبل رمضان وانتى كمان بعد رمضان فكريه وماتنسيش.
ملحوظة:-عندما يقرر زوجك هذا سيجعل شراء طلبات شهرين (رمضان والعيد) فى شهر واحد مما يجعل حرارة جيبه ترتفع ارتفاع حاد بعد كل مبلغ يدفعه وهذا يحتاج منك ان تقومى بإعداد كمدات له من الكلمات الرقيقة التى لن تضيع الحرارة ولكن تقللها بعض الشئ فهى لن تنخفض إلا بعد دفع أخر مبلغ.....
ومنها ... انتى :ربنا يخليك ياحاج هو اهنا لينا إلا غيرك
هو:ارحمونى انتو بس
انتى: اوعى تتعصبى ردى وقولى :ماشى ياجميل على العموم اهنا بندلع عليك
هو:بينفخ ويفأفأ
انتى هاتكونى عادى خالص ..من حقه الراجل تعبان فى الفلوس وشايفك عايزة وعايزة و ..هاتقولى :يا سلام ماهو ده واجبه والتزاماته ...براحة متسخانيش كده الراجل يجى بالمحايلة مش بالغصب يجى بالكلمة الحلو مش بالوحشة...
وكلما كنتى الزوجة الرقيقة الضعيفة الطيبة اللى مش بتطلب لنفسها انما لأولادها والبيت كلما رق قلبه لكِ او يهدئ قليلاً
وكلما كنتى قوية شديدة فى طالباتك كلما كان متشدداً فى المنع والرفض
المهم اتفقتى على كل ماتحتاجيه وما ساتفعليه خلال الأيام القليلة القادمة مع زوجك
أبدئى نظمى ورقك ورتبى خطواتك ومشاويرك كلاً على حدا.
فكل طلباتك غير الأكل يتم شرائها من الأن
والأكل قبل رمضان بأسبوع قبل الزحمة
هنا انتهى الجزء الأول بعنوان "إعداد قائمة"
انا كده كتبت كل اللى انا عايزه وعرضته على زوجى ووافق على حاجات واستعطفته فى حاجات واجلنا حاجات ولغى حاجات وكظمت غيظى فى حاجات واتفقنا على المبلغ المحدد فى كل شئ منها...
1- حددنا ملابس وإحتياجات العيد
2- الإصلاحات الضرورية
3- أجلنا الديب فريزر واستبدلتها مؤقتاً بوضع حاجاتى فى ثلاجة صغيرة زيادة عند بابا الحاج(حماى) وهو يسكن الشقة اللى تحت شقتى
4- ميزانية رمضان من طعام وعزومات
دلوقتى الحلقة الرابعة وسأبدء ادخل فى
أترككم فى رعاية الله وحفظه
