ونأتى للجزء الخامس من برنامج إستعدادى لشهر رمضان الكريم الخاص بالمطبخ وهو شراء الطلبات
(وهو أصعب جزء عند الرجل)
وهى تتكون من 2 لستة
اللستة الأولى الخاصة بشراء إحتياجاتنا من لبس العيد وخلافه....
اللستة الثانية الخاصة بشراء طلبات المطبخ من زيت ورز وسكر وياميش....إلخ
اللستة الأولى : بتنظمي وقتها مع زوجك لو بتخرجى معه او بتنظمى وقتها لوبتخرجى لوحدك او مع اختك او....وبتأخذى الأذن بالخروج من زوجك وبتنزلى تشترى حاجاتك فى يوم او اتنين او اواكتر حسب راحتك.
وفى واحدة شاطرة ريحت نفسها من بدرى وكانت عاملة حسابها ونزلت اشترت حاجات العيد مع لبس الصيف من شهر 5 او 6 ودى شالت من على نفسها هام كبير.
ولكن التى لم يتوفر لها هذا ممكن تعامله السنة القادمة .
(ومازالت ست البيت بتتعلم)
وفى واحدة شاطرة ريحت نفسها من بدرى وكانت عاملة حسابها ونزلت اشترت حاجات العيد مع لبس الصيف من شهر 5 او 6 ودى شالت من على نفسها هام كبير.
ولكن التى لم يتوفر لها هذا ممكن تعامله السنة القادمة .
(ومازالت ست البيت بتتعلم)
ولو بتخرجى مع زوجك.... إياك إياك أن تجعلى من هذه المشاوير كأبة ونفخ وعكننة..انتى بتنفخى وهو بينفخ ...بل اجعليها فسحة حلوة وان حدثت العكننة لاتزيدى الخلاف فيها ولا تعكرى صفو الأيام الأولى من رمضان الجميلة وتجعليها تتعكر بفلوس او كلمات حدثت منك أومنه بل سارعى الى الصلح مهما كان معك من حق وخذى انتى الثواب وهاينتهى كل شئ... لإنها دنيا فانية
انتى:هتقولى كلمات جميلة تشعريه بالشكر والإمتنان ومع كل شئ يشتريه لك وللأولاد عليكم شكره بعبارة"جزاك الله خيراً" أشكريه انت وقولى للأولاد لو صغار او كبار قولوا لأبى "جزاك الله خيراً" .."ربنا يخليك لينا يابابا" .."اهنا فرحنين بالحاجة اللى انت جبتها لينا" هاتجديه ينهال عليك بعبرات مثلك واجمل. ولو ماقلش بيكون مبسوط من داخله .. وعادى خليك انتى الطيبة.... والرجل سهل وبينسى بسرعة
اللستة الثانية :- وهى الخاصة بشراء طلبات الأكل اللى هاعمله فى رمضان والعزومات
ازاى بكتبها وبحددها؟
1- بحدد طلباتى وإحتياجاتى من الأكل من خلال الجدول اللى كتبت فيه 30 أكلة خلال رمضان شاملة العزومات
أبص فيها وأشوف كل أكلة محتاجة ايه واكتبه فى ورقة
اللحوم مع بعضها فى ورقة وحاجات البقال مع بعضها فى ورقة وحاجات السوبر ماركات مع بعضها فى ورقة..وهكذا
2- مثال: انا هاعمل مكرونة باشميل مرتين فى شهر رمضان عايزين نصف كيلو لحمة مفرومة وصينية جلاش عايزة ربع لحمة مفرومة وسمبوسة عايزة ربع لحمة مفرومة ده مثلاً اللى هاحتاجه من اللحمة مفرومة(نصف +ربع+ربع = يبقى انا عايزة 1 كيلو لحمة مفرومة) وهو ده إحتياجى من اللحمة المفرومة وباعمل كده فى كل حاجة زى الفراخ البانيه والفراخ الصحيحة واللحمة القطع وهكذا.....إلخ
3- وأشوف أنا محتاجة أد إيه من الرز والمكرونة والزيت ....إلخ
4- أشوف انا هاعمل كام عزومة وكل عزومة ممكن تتكلف أد إيه وأشوف زوجى وإمكانياته ...أزود إيه واقلل إيه.. وإيه اللى ينفع مع أسرته لو هما معزومين وإيه اللى ينفع مع اسرتى لو هما اللى معزومين.
6- الخضار باجيبه قبل رمضان بإسبوع علشان الغلاء اللى بيحصل قبل رمضان بكام يوم والزحمة ...ثم أنزل قبل العيد بإسبوع أجيب خضار العيد وبعد العيد بإسبوع علشان الغلاء قبل العيد واجازة الخضرية بعد العيد (واليوم ده بيكون الصبح وبيكون خضار بس لإنى عملت حسابى فى الأول وجيبت الزيت والنواشف وكل حاجة لكى تكفينى رمضان والعيد وبعد العيد لحين إنتظام الإمور مرة ثانية).
7- ثم أنزل لشراء كل إحتياجاتى
الحلقة السادسة بعنوان ( إنهاء الأعمال)
