لقد حان وقت إنهاء الإعمال
نعم
وهى تنقسم كما قلنا
أعمال خارجية خاصة بشراء وخلافه.......
أعمال داخلية منزلية.........
بعد ماكتب وعملت أبحاثى المعملية وإحتياجاتى الأساسية حان وقت التحرك والنزول والشراء وإنهاء كل ما علية من إلتزامات لتفرغ لهذا الشهر الكريم
وبعد إنهاء كل عام أقوم بالتخلص من قائمته فى القمامة
وأقوم بالتعليم فى جدول الأيام أن هناك يوم تم إنجازه والحمد لله وهكذا حتى أنتهى من كل ما هو خارجى.
وبالنسبة لى أنا الأن من هذا اليوم أستعد للقيام بأعمال الخروج التى تبدأ معى من يوم الأحد 7/8 حتى الجمعة إن شاء الله أتمنى أن أنهى كل شئ فى هذه المدة من أعمال خروج وأعمال بيت حتى يوم الأربعاء الذى لابد أن يكون أخر يوم وهو تنظيف الشقة حتى أستقبل رمضان يوم الخميس إن كان لنا عمر إن شاء الله.
بعد ما تكلمنا على الأعمال الخارجية والشراء وخلافه وان إنهائها سيوفر أوقات ممكن نفقد خلالها الكثير من الطاعات إذا قمنا بها فى رمضان وان إنهائها سيوفر وقت وجهد.
يبقى كده ان ان شاء الله مش هاخرج فى رمضان خالص بالليل
وكذلك الصبح إلا مرة واحدة لشراء خضار العيد
سنتأتى لإهم جزء وهو الإعمال المنزلية والأعمال المطبخية التى سنقوم بتجهيزها قبل رمضان ستوفر لنا الوقت الحقيقى والجهد الواقع على ست البيت فى رمضان مما يعطيها وقت للقرآن وللتراويح و...و....
لازم الأول نعرف ان هناك أعمال تخص البيت وأعمال تخص المطبخ
أولاً:- أعمال البيت وهى الغسيل والمكواة وتنظيف الشقة والخياطة...
1- لابد أن تقومى بغسل جميع الملابس قبل رمضان بكام يوم وتطبيقها ووضعها فى الدولاب بنظام. وقبل العيد بكام يوم هاعمل كده تانى.
2- بعد لم الغسيل نقوم بتجهيز المكواة وكى كل الملابس المراد كيها بحيث يكون لكل فرد حاجاته من ملابسه جاهزة.
فى واحدة هاتقولى ده بيحصل كل يوم وكل أسبوع هى دى حاجات بتخلص....انا عارفة بس لما اجهزها مرة واحدة ووقت واحد يدينى كام يوم مستريحة. وقبل العيد بكام يوم هاعمل كده.
3- خياطة الملابس المراد خياطتها وقياس ملابس العيد علشان تعرفى ايه اللى هايقصر او يضيق وتظبطى الملابس على اللبس وتعيدى على توكة او زرار فى اللبس حتى لاتقع وحتى لاتفاجئى اثناء العيد ان هناك حاجة مش مظبوطة وتسبب لكى ضيق تأكدى ان كل حاجتك جاهزة، وتأكدى من ملابس زوجك فى العيد سواء جلابية او ملابس خروج وكذلك ملابسك وتظبيطها سواء الخروج او البيت وقومى بكى ما يحتاج كيه وعلقيه فى الدولاب وتكونى كده جاهزة انتى وأسرتك على العيد.
4- تنظيفة العيد....ليه لازم قبل العيد أنظف وأخذ يوم أو أكتر من رمضان للتنظيف واسيب كل حاجة من غسل ستائر وسجاد و..و...واعملها فى رمضان قبل العيد ..انا مش ممكن اعملها قبل رمضان أغسل سجادى وستائرى وارتب دوالايبى وادراجى وانظف مطبخى ..واقوم بتنظيفة العيد قبل رمضان واحفاظ على نظافة الشقة أول بأول حتى لو احتاجتى ان تقومى بتنظيفة قبل العيد تكون خفيفة لإنك خلصتى السجاد والستائر والترويقات الداخلية يبقى هاتبقى مجرد تنظيفة تعمليها قبل العيد بيومين تأخذ منك كام ساعة الصبح وخلاص.
وكل سنة وانتم طيبين ويارب أكون أفادتكم
أم أسوة
الحلقة السابعة بعنوان( مطبخى فى رمضان)
