إزيكم ياستات يارب تكونوا طيبين وبالصحة كويسين انا واقفة فى المطبخ علشان اجهز شوية حاجات لرمضان ومعايا اللاب توب علشان كل ماأعمل حاجة أكتبها لكم على طول .....مستعدين وجاهزين
معلش انا رجعت اللاب توب تانى مكانه علشان النت ضعيف ولكنى مازالت معاكم ودلوقتى1- بجهز البقسماط اللى بتبل بيه الفراخ أو اللحمة وغيرها.....الطريقة ( باشترى بقسماط جاهز بيتش ريك (احسن نوع) - وعندى بواقى من عيش الفينو من ايام مدرسة الأولاد كنت باحتفظ بيها زى ماعلمتنى مامتى باحمصه ثم ادقه بالهون الأول ثم اضربه فى المطحنة ثم احطه على البقسماط الجاهز وممكن لو عندك البقسماط بتاع الشاى ومحدش بيأكله تدقى وتحطيه معاهم وبعد كده نتبله ....انا بحط ملح-زنجبيل مطحون-كارى كتير-كركم-بابريكا-قرفة كتير-فلفل اسمر -ثوم بودر -وبصل بودر) وممكن تضيفى فيجتار ...وأشيله فى برطمانات زجاج (برطمانات المربى وعصيرالتانك والصلصلة ....باغسلها واحتفظ بيها طول السنة علشان كده) ....وتأخذى بمعلقة ناشفة ونظيفة المقدار اللى انتى عايزه... لو عملتى كده هاتحفظى عليه ويقعد بره الثلاجة.....والبواقى اللى تفضل من أكلة تتحط فى كيسة وتتشال فى الثلاجة علشان لا تخسر لإن دخل فيها أكل(وأنا باستخدمها بعد تنقيها او تصفيتها بالمصفاة لإزالة قطع الأكل فى فرش الصوانى بتاعة الباشميل وخلافه زى مابنعمل فى الكيكة حتة زبدة امسح بيها الحلة وبدل الدقيق احط البقسماط واوزعه على الصينينة تطلع المكرونة سهلة من الصينية دون ان تلزق) وكده يكون عندى بقسماط متبل طول رمضان جاهز على الإستخدام ....وعلى فكرة اناهاخلى البنات عندى دلوقتى يدقوا الفينو الأول ...لازم يساعدونى وهما بيحبو كده.
انا الحمد لله خلصت البقسماط وهاشيله وعلقت على 2- الشربات للحلويات الطريقة(باحط أكياس السكر بتاعتى وأغطى السكر بالماء (حرف الماء مع حرف السكر) او كوب ماء ياخذ 2 كوب سكر وحبة.... وباحط اعواد قرفة وقرنفل وبابشر قشر الليمون واسيبه يغلى ولما يغلى اعصر الليمون اللى بشرته ثم اترك قشرة الليمونة اللى عصرتها فى الشربات واحط فانليا واسيبه لما يعقد وانا باحط عليه عسل ابيض ومعلقة عسل كلكوز بيدى تخانة للشربات (طبعاً القرفة والقرنفل وبشر الليومن تحفة فى الشربات)
ولما الشربات على النار 3- هاجهز المكسرات حطيت اللوز فى صينية والبندق فى صينية ودخلتهم الفرن على نار متوسطة وخلى بالك كل شوية تقلبى علشان مايتحرق (وده غالى حرام) انا فى المكسرات علشان غالية باجيب ربع لوز وربع بندق و1كيلو سودانى من الفرن طازج واطحنهم مع بعض يعطونى طعم جميل وكمية.
دلوقتى خلص الشربات اسيبه لحد مايبرد........ واتحمصت المكسرات والبندق وهو سخن باجيب قماشة وافركه علشان سخونته وهو بيبقى تقشيره سهل وهو سخن....اتركها تبرد
4-هانقى التوابل اللى بتتحمص زى (الكزبرة والكون) باحب اجيبهم صحيح واحمصهم على نار هادئة واقلب فيهم......ثم اطحنهم ودى اتعلمتها من أمى... بتشمى ريحة التوابل تحفة وطعمها اتحف لإن بره بتبقى مكتومة كده وملهاش ريحة وباقى التوابل بتيجى مطحونة عادى...والفلفل الأسمر باجيبه صحيح واطحنه علشان مش بيتحمص وبتحطى مع التوابل حبة ملح علشان يسهل طحنهم ...أمى قالت لي كده...ولكن عادى انا باطحنهم من غير ملح بيكونوا زى الفل..... وبعد كده أملاء كل برطمانات التوابل والباقى أشيله لحين الحاجة اليه.
انا الحمد لله خلصت البقسماط وهاشيله وعلقت على 2- الشربات للحلويات الطريقة(باحط أكياس السكر بتاعتى وأغطى السكر بالماء (حرف الماء مع حرف السكر) او كوب ماء ياخذ 2 كوب سكر وحبة.... وباحط اعواد قرفة وقرنفل وبابشر قشر الليمون واسيبه يغلى ولما يغلى اعصر الليمون اللى بشرته ثم اترك قشرة الليمونة اللى عصرتها فى الشربات واحط فانليا واسيبه لما يعقد وانا باحط عليه عسل ابيض ومعلقة عسل كلكوز بيدى تخانة للشربات (طبعاً القرفة والقرنفل وبشر الليومن تحفة فى الشربات)
ولما الشربات على النار 3- هاجهز المكسرات حطيت اللوز فى صينية والبندق فى صينية ودخلتهم الفرن على نار متوسطة وخلى بالك كل شوية تقلبى علشان مايتحرق (وده غالى حرام) انا فى المكسرات علشان غالية باجيب ربع لوز وربع بندق و1كيلو سودانى من الفرن طازج واطحنهم مع بعض يعطونى طعم جميل وكمية.
دلوقتى خلص الشربات اسيبه لحد مايبرد........ واتحمصت المكسرات والبندق وهو سخن باجيب قماشة وافركه علشان سخونته وهو بيبقى تقشيره سهل وهو سخن....اتركها تبرد
4-هانقى التوابل اللى بتتحمص زى (الكزبرة والكون) باحب اجيبهم صحيح واحمصهم على نار هادئة واقلب فيهم......ثم اطحنهم ودى اتعلمتها من أمى... بتشمى ريحة التوابل تحفة وطعمها اتحف لإن بره بتبقى مكتومة كده وملهاش ريحة وباقى التوابل بتيجى مطحونة عادى...والفلفل الأسمر باجيبه صحيح واطحنه علشان مش بيتحمص وبتحطى مع التوابل حبة ملح علشان يسهل طحنهم ...أمى قالت لي كده...ولكن عادى انا باطحنهم من غير ملح بيكونوا زى الفل..... وبعد كده أملاء كل برطمانات التوابل والباقى أشيله لحين الحاجة اليه.
انا خَلَصت وخِلِصت والحمد لله .....
ولكن أرجع وأقول.....
الحمد لله الذى بنعمته تتم الصالحات(هكذا علمنى زوجى) عند الإنتهاء من عمل ونجاحه او رؤية ما أحب ان أقول هذا الدعاء كما علمنا رسول الله(صلى الله عليه وسلم).
العصر أذن هاقوم أصلى وألبس أنا والبنات علشان ننزل نجيب لبس العيد.....ربنا معايا ....
أترككم فى رعاية الله
السلام عليكم ورحمة الله وبركاته
الحمد لله الذى بنعمته تتم الصالحات ولقد اشتريت بعد يأساً مما رأيت من ملابس الكثير منها لا يمت للطفولة بشئ....ولكن هيهات هيهات حرصت كل الحرص انا اشترى المعقول....
ولكن الحمد لله خلصت 80% لإن هناك أشياء سترجع غداً للمقاس مش أكتر
أنا داخلة أنام
كل سنة وإنتم طيبين
وعندى تنظيف بكرة الجمعة واللى عايزة تساعد تيجى هاسيب الباب مفتوح...
أختكم فى الله أم أسوة
