أرجو ان يعجبكم الموضوع ويكون مفيد لكم ....والرد عليه ولو بكلمة شكراً إذا أضاف لكم جديد وتذكروا من لم يشكر الناس لم يشكر الله تعالى....ان اصبت فمن الله وان اخطأت فمن نفسي والشيطان....أختكم فى الله أم أسوة
هذه الطريقة بدون اى تعديل شوفتها فى قناة فتافيت فجربتها بالظبط لإنها عجبتنى وماحبتش اغير فيها شئ لإنها مش محتاجة ....ماهو مش كل حاجة لازم نفتكس فيها فى حاجات لازم تكون زى ماهى
فاصوليا خضراء يقطع رئسها من الجهتين بالسكينة وتنقع فى ماء ثم تغسل جيداً وتترك كما هى طويلة (ولكن لو عملتيها وأولادك ماعرفوش يتعاملوا معها ممكن تقطعيها على نصفين أو أربعة)
يقطع بصل حلقات وثوم حلقات وثومة مفرومة ....مهم فى الأكلة دى استخدام زيت الزيتون يوضع فى حلة يادوب يسخن ثم يوضع حلقات البصل وتقلب حتى تذبل ثم حلقات الثوم والثومة المفرومة ثم يوضع كسبرة الناشفة
ثم اعلق على ماء ليسخن لسلق الفاصوليا
وتقليبى مرتين ونحط معلقة صلصة بدون ماء ونقلبها كويس
الروائح بدئت تطلع والله الله على الجمال ..شمة الريحة ولا لأ أدعيلى بأه واكتبى التعليق بعد التجريب
ثم نضع الطماطم بتاعتنا ولكن مش معصورة يعنى كمية الطمام اللى عايزة احطها هاحطها حلقات طماطم واقلب كويس جداً حتى تتسبك
هنا الماء سخن احط الفاصوليا لكى تتسلق نصف سلقة اثناء تسبيك الطماطم
اثناء سلق الفاصوليا وتسبيك الطماطم اجهز الأرز بالشعيرية ..طريقته هنا
عندما اشعر ان الفاصوليا استوت نصف سوى اصفيها وانقلها مباشرة من حلة السلق الى حلة التسبيكة على طول واضع رشة ملح وفلفل أسمر فقط
ثم اتركها ليكتمل سواها على نار هادئة حتى اتأكد من انها استوت اضع رشة كسبرة ناشفة قبل ما اطفى عليها النار ثم اطفى
يأتى وقت التقديم.... بدئت أغرف الأرز أولاً بوضعه فى اى قالب من بتوع الكيك له ثم غرفت بجانبه مقدار من الفاصوليا يناسب فرد واحد ووضعت فوقها رشة زيت زيتون ورشة صغيرة كسبرة ناشفة ووقة نعناع على الأرز تدى ريحة وشكل
يأتى وقت التقديم.... بدئت أغرف الأرز أولاً بوضعه فى اى قالب من بتوع الكيك له ثم غرفت بجانبه مقدار من الفاصوليا يناسب فرد واحد ووضعت فوقها رشة زيت زيتون ورشة صغيرة كسبرة ناشفة ووقة نعناع على الأرز تدى ريحة وشكل
أترككم
أختكم فى الله أم أسوة
