الحلقة الرابعة : تابع قوائم الإحتياجات الشهرية

أرجو ان يعجبكم الموضوع ويكون مفيد لكم ....والرد عليه ولو بكلمة شكراً إذا أضاف لكم جديد وتذكروا من لم يشكر الناس لم يشكر الله تعالى....ان اصبت فمن الله وان اخطأت فمن نفسي والشيطان....أختكم فى الله أم أسوة

القائمة الثالثة

وهي خاصة بالنوع الثاني من مصروف البيت وهو الخاص بإستهلاك البيت 
خدمات منزلية....  تحبي تمسكيها او لأ

الكهرباء

المياه

الغاز
فاتورة التيلفون
 (وده كان زمان قل الزمان يرجع يازمان ) كله موبايل ولكن اللي لسة عنده تيلفون لازم يوفر ويحافظ كله بالمعقول 

وانا بصراحة كنت امسكها فترة واسيبها فترة وبمسكها بناءاً على طلب زوجي لإنه يعلم اني سأقوم بعمل الأتي:
المرور على الحجرات وإغلاق النور المفتوح ومافيش حد في الحجرة والحد من الإضاءة الزائدة في كل مكان
متابعة كل واحد من خلال تشغيل الكمبيوتر وتركه السخان وتركه والغسالة بحساب والحسابة بتحسب واللبن اقف عليه زي الألف توفير في اللبن وده مصروف البيت وتوفير في الغازاللي بيفضل شغال بعد ماكان اللبن بيفور
وده غير التكيف اللي كنت بشغله شهر واحد بكفاءة ليلية فقط لعدة ساعات لتبردت الحجرة ثم اقوم بغلقه (علشان عظم الواحد انتم عارفين)
والمرواح اللي ممكن تفضل شغالة لحد الصبح 

مرور يومي 

حتى احياناً انا كنت اقول لزوجي مداعبة لك مرة واحدة في اليوم لشحن الموبايل باستخدام الشاحن
لذلك التوفير مطلوب في كل شئ  
لاإفراط ولاتفريط
لاتبذير ولا تقطير
ماعال (ما افتقر) من اقتصد
(ان المبذرين كانوا إخوان الشياطين)

فكنت ادبر من كل شئ وبيتي مفتوح طول الوقت 
والحمدلله

تتحسب ازاى بالمتوسط يعني اعلى شهر واقل شهر وناخذ اللي في النصف

مثال يعني المعظم الكهرباء بتيجي مثلاً من 50 الى 60 جنيه في فصل الشتاء وفي فصل الصيف بتيجى من 100 الى 120 مش بتزيد عن كده يبقى أوعي زوجك يضحك عليك وتأخذي المصروف في الشتاء ويقول لك كل شهر 50 جنيه وتفرحي وتتدبسي في 100 و120 في الصيف وتلاقي نفسك بتحطي من الأكل والشرب وأوعي تقولي لزوجك انا هاخذ 100 او 120 علشان هايقولك لأ انا مستريح ادفع زيادة ولا تاخديهم فتضيعي على نفسك فرصة في التدبير هاتعملي ايه؟  هاتأخذي حوالى من 80 او 85 علشان تدبري من الشهور الشتوية للشهور الصيفية وهكذا الحال في المياه والغاز وانتي وشاطرتك لتخفضي 100 و120 اللي بيجوا في فصل الصيف ......خبرة مجربة 

القوائم  دي مهمة لإنك لما تيجي تعرضي على زوجك المبلغ المفروض للمصروف هاينهار لإنك بتطلبيه مرة واحدة وهو رقم ضخم بالنسبة له مع انه بيصرفه وممكن اكتر منه بس بيصرف منه وهو مش حاسس وكل يوم ويوم لما يصرف 50 ولا 100 عادي لكن لما تيجي تقولي 1000 في الشهر كله يقولك  الأسئلة دي

ايه المبلغ ده كله؟

انتي هاتعملي بيهم ايه ؟

انتي عايزة تقولي لي اننا بناكل بالمبلغ ده ؟

الإجابة بالقوائم

وممكن تتنوع وتختلف من زوج لزوج ولكن المضمون واحد ضخامة المبلغ اللي بيصرف ضعفه لكن مش قادر يديلك أمان على رأي الست

معلش ده ممكن واحدة تلاقيه في الأول وممكن واحدة لأ حسب شخصية زوجك أيا كان لما تنجحى وتحققي معاه حاجة هو اللي هايصر دائما على انك تمسكي المصروف  ان شاء الله

القائمة الرابعة

مصروف كسوة الأولاد ؟
من التجارب الناجحة جداً
ان شاء الله المرة القادمة 


يارب أكون أفدتكم
كان معكم أختكم أم أسوة