كما قلت ان لكل ست بيت إلتزامات وإحتياجات وطلبات وعادات ....إلخ تختلف من ست الى ست حسب زوجها وبيئتها وبلدها وإمكانيتها ولكن يوجد أشياء ممكن ان تجمعنا ...ولكن كلاً منا ممكن يفعلها بطريقته .
فأحببت أن أذكر أشياء أفعلها لكى أكون من الذين يقال عنهم "الدال على الخير كافعله"
قائمتى الخاصة كلها أعمال عنوانها الرئيسى الذى انا باقوم بالعمل من أجله هو إدخال السرور
إنها سعادة غامرة تلك التي يستشعرها المرء عندما يسعد الآخرين أو يشارك في إسعادهم أو تخفيف آلامهم ..سعادة لا تحس بها إلا النفوس الطاهرة النقية , التي رجاؤها دوما وجه ربها وسعيها دوما هو في طرقات الخير المضيئة .
والدليل من أحاديث النبي صلى الله عليه وسلم إذ يقول عن أبي هريرة رضي الله عنه : (إن من أحب الأعمال إلى الله إدخال السرور على قلب المؤمن, وأن يفرِّج عنه غمًا, أو يقضي عنه دينًا, أو يطعمه من جوع) أخرجه البيهقي في شعب الإيمان, وحسنه الألباني في الصحيحة 1494
وأول عمل فى قائمتى هو
1- أدخال السرور على المسلم الفقير
ورؤية ابتسامته عند استقباله لمبلغ من المال او شنطة رمضان.
1- أدخال السرور على المسلم الفقير
ورؤية ابتسامته عند استقباله لمبلغ من المال او شنطة رمضان.
إستقبلى رمضان بعمل الخير....
أشتري حصالة خشب وعندما تجتمعى مع أسرة زوجك وأسرتك قومى وأخبرى الجميع ان يخرجوا مما يودون إخراجه من مال (أى مبلغ) لجمع مبلغ كبيرمن المال لإخراج شنط رمضان.
ثم قومى بوضع أول مبلغ ثم إجمعى من نساء الأسرة ثم أعطيها لإى ولد من الأولاد فى العائلة لكى يجمع من رجال الأسرة وكررى هذا الموضوع فى كل مناسبة ثم أفتحى الحصالة وأخبريهم بما جمعتيه وأشركى من يود المشاركة معك واكتبى قائمة بما ستضعيه فى الشنطة ولتكن أشياء مفيدة
ثم قومى بوضع أول مبلغ ثم إجمعى من نساء الأسرة ثم أعطيها لإى ولد من الأولاد فى العائلة لكى يجمع من رجال الأسرة وكررى هذا الموضوع فى كل مناسبة ثم أفتحى الحصالة وأخبريهم بما جمعتيه وأشركى من يود المشاركة معك واكتبى قائمة بما ستضعيه فى الشنطة ولتكن أشياء مفيدة
زجاجة زيت- وبدل سمنة هولاندى مش صحية وبيقولوا عليها كلام كتير جيبى قالب زبدة فيرن الكيلو فى حدود من 17جنيه لو فى عرض الى 20 جنيه او نصف كيلو ب10 جنيه(حطى فيها ما تحبيه) وممكن اكيلو ارز-اكيلو سكر-مكرونات مشكلة -اكيلو بلح-لفة قمر الدين-برطمان صلصة....الخ) حسب المبلغ اللى جمعتيه وحددتى لكل شنطة حتحطى فيها بكام وتنزلى انتى لو شاطرة فى الشراء او توكلى من هو شاطر فى الشراء ويشترى من البقال ولما بيعرف انها شنط رمضان بيعملك تخفيض وبيعملك الشنط ويحط اللى انتى عايزه فى كل شنطة.
ملحوظة مهمة:1- بلا ش كيس الفول اللى بينحط وملهوش لازمة لإن معظم الفقراء بيستعملوا أنبوبة مين اللى هتدمس فول على أنبوبة وانتم عارفين الفول بيقعد اد كده على البوتجاز.
2- بلاش الشنط الجاهزة بتاعة السوبر ماركت لإنى جربتها وجربت البقال والحقيقة لما انتى بتشترى من البقال بتشترى اللى انتى عايزه وبتوفرى من الفلوس بوضع اشياء زيادة فى الشنطة .
إلا لو ماعندكيش وقت ولكن تأكدى من الشنط ومن سلامة اللى فيها أحياناً بيكون هناك برطمان مكسور او كيس مفتوح.
لو كل أسرة أو عائلة مع بعض عاملوا كده ان شاء الله مش هايبقى فى حد محتاج
3- لابد ان تجهز الشنط وتوزع على الأقل قبل رمضان بـ 3 أيام او قبله بيوم للتعذر علشان اللى كان ناوى يشترى حاجة مايجبهاش.
أهمية فعل الخير واثره فى حياتنا:
1- فضل الصدقة وإطعام الطعام كما قال رسولنا الحبيب(صلى الله عليه وسلم):
الحديث الأول : عن زيد بن خالد الجهني رضي الله عنه عن النبي صلى الله عليه وسلم: قال: من فطر صائما كان له مثل أجره غير أنه لا ينقص من أجر الصائم شئ. رواه الترمذي و النسائي وابن ماجه و ابن خزيمه وابن حبان.
الحديث الثاني : وروي عن سلمان رضي الله عنه قال: قال رسول الله صلى الله عليه وسلم: من فطر صائماً على طعام وشراب من حلال صلت عليه الملائكة في ساعات شهر رمضان و صلى عليه جبريل ليلة القدر. رواه الطبراني في الكبير، و أبو الشيخ ابن حبان .
الحديث الثالث:أن رسول الله صلى الله عليه وسلم قال:" قال الله تعالى : ((انفق يا ابن آدم ينفق عليك)) متفق عليه.
2- أن نتأسى ونقتدى بنبينا الحبيب صلى الله عليه وسلم(أليس هو أسوتنا وقدوتنا) فماذا كان يفعل فى رمضان...
عن ابن عباس قال: كان رسول الله أجود الناس، وكان أجود ما يكون في رمضان حين يلقاه جبريل، وكان يلقاه في كل ليلة من رمضان فيدارسه القرآن، فلرسول الله أجود بالخير من الريح المرسلة[3].
وغيرها وغيرها عن الجود والكرم فى شهر رمضان الكريم.
2- لمة الأسرة من تانى وإجتماعهم على شئ واحد يقربهم من بعض.
3-تربية الأطفال الموجودين فى الأسرة أو العائلة على فعل الخير وحبه وان رمضان بيجى علشان نعمل خير... وياريت الأخت اللى هاتعمل كده تقول كلمة دعوية بسيطة عن شهر رمضان الكريم للكبار وكلمة للصغار وفيها ان شهر رمضان جاى وهو شهر الخير وربنا بيحب العبد اللى بيعطى الفقير وتخليهم يشاركوا بجزء من مصروفهم وتقول لهم يروحوا يأخذوا ولو جنيه من بابا وده مصروف بكرة وهما هايحطوا وتخليهم يشوفوا الشنط لما تيجى البيت.
طيب هاتوزيعها هايكون أزاى؟
1- لو انتم عارفين أقارب لكم يبقى هما أولى ومن كل أسرة أختاروا واحد اوأتنين حسب عدد الأسر وحسب الشنط ""الأقربون اولى بالمعروف" والتوزيع يقوم بيه أى رجل من العائلة أوأى شاب أو من كل أسرة شاب يقوم بهذا.
مفيش ..يبقى لو تعرفى ناس ساكنين بجانبكم فقراء ومحتاجين "لإن الجار هنا هايكون أولى بعد القريب" ولو مفيش او ماتعرفيش حد يبقى اذهبى الى الجامع واسئلى عن الشيخ المسئول او لو تعرف شايخة فى جامع بتقوم بهذا العمل أعطيهاهذه الشنط.
ولكن
نصيحة هامة
نصيحة من مجربة حاولى ان توزعى ولو شنطة واحدة حتى لو الشيخة او شيخ الجامع هو من سيقومون بالتوزيع أخبريه انك تودى الذهاب بنفسك وليكن معك زوجك او أخيك أو والدك إعرفى أماكنهم لكى ترى بنفسك هذه السعادة التى فى وجوههم ستجدى السعادة تملئ قلبك دون ان تشعرى.
يارب تكون بيوتنا عمرانا بالخير والحب والألفة بين العائلات وبعضها وننسى أى حاجة وحشة بينا ....ولعل فعل الخير المشترك يزيل الحواجز والمشاحنات والخلافات إن شاء الله.
واللى عنده فى العمارة بواب ماينساهوش فى شنطة.
واللى عنده فى العمارة بواب ماينساهوش فى شنطة.
لاتنسونا من دعائكم
أختكم أم أسوة
