تزين تورتة الفروالة

أرجو ان يعجبكم الموضوع ويكون مفيد لكم ....والرد عليه ولو بكلمة شكراً إذا أضاف لكم جديد وتذكروا من لم يشكر الناس لم يشكر الله تعالى....أختكم فى الله أم أسوة

قبل ماشرح طريقة التورتة لازم تعرفوا انا عملتها ليه؟؟؟؟؟؟؟

 

شوفتوا ان خير الناس اللى يتعلم القرأن ومش بس كده ويعلمه كمان

ولهذا انا قررت ان اهادى خير الناس واحسبها على خير ولا اذكيها على الله انما اتعامل معها كما قال عنها الحبيب خيركم من تعلم القرأن وعلمه

وهى معلمة القران التى تعلمنى القرأن ولها علي فضل كبير فى تعديل لسانى وظبطه فى القراءة ولا تتقاضى شيئاً مقابل هذا وتحرص على موعد الحصة حرصاً شديداً حتى لو خرجت تتصل على لتخبرنى انها ستكون موجودة فى البيت تنتظرنى فى موعدى مخافة ان اكون اتصلت ولم اجدها فى البيت ولم تعتذر إلا لسفر او ضرورة ملحة ولا تعتذر لمرض اولادها ولا تعتذر فى وقت امتحانات ولا ولا ولا........

وان اقدم لها قليل لايذكرمن كثير يذكر مما تقدمه لي فانا اقدم لها شيئاً من الدينا الى زوال ولكن هى تقدم لى شيئاً الى الأخرة الى عمار

فربنا يجازيها كل الخير واقدر لها وقتها وحرصها ربنا يجعله فى ميزان حسانتها

..........................................

على فكرة انا عارفة انك يامعلمتى ستدخلين لتشاهدى الطريقة

فأنا اشكرك واقدر بجد وقتك ولا اقصر، واعلمى انى احرصى على وقتى معك كما تحرصين واى اعتذر بجد عن اى غياب بيكون خارج إرادتى وسامحينى على اى تقصير

.....................................................

يلا مين راح يقدم هدية لمعلمته او لمعلمه ....كم واحد وواحدة معلم ومعلمة القرأن او اى معلم تعلم واستفاد منه واضاف شيئاً لحياته او غير من حياته.......مش هاقول تروحى تيجيبى هدية بالشئ الفلانى لو معاكيش وان كانت معلمة القرأن تستاهل ده واكتر ولكن لو دخلتى المطبخ وبذلتى جهد فى عمل حاجة حلوة ورحتى قدمتيها وهنا عددى النيات

1- ادخال السرور على مسلم

2- تهادا تحابوا كما قال الحبيب صلى الله عليه وسلم

3- صلة رحم لو كانت قريبة

3- عيادة مريض لو كانت مريضة ..............إلخ من النيات اللى ممكن تحطيها لنفسك أختى الحبيبة

زمانكم زهقتوا وبتقولوا خوشى فى المفيد ....اللى كنت بقوله هو المفيد هو اللى فيه حسنات فى الأخرة ولكن اللى هاقوله دلوقتى حتى لو مفيد فى حياتنا ولكن اخرته مجرد ما نخلص اكل الكيكة

المهم شوفتوا ازاى ممكن احول حاجة زى التورتة اكيد انا مش اخذ عليها ثواب لو عملتها اواخذ سيئات لو ماعملتهاش صح ولا ايه....

ولكن انت ممكن تجعلى من الحاجة الدنيوية حاجة اخروية تثابى عليها

وده فى كل حاجة فى حياتك ممكن تحاوليها من شئ عادى الى شئ يجازيك ان شاء الله الكريم عليه.......

اده هو الناس راحة فين.. يأم هانى وانتى يأم حسن.. انا خلاص هابدء ..هو في ايه

عارفين الكلام ده

طيب خلاص انا قلت اذكركم بس

ان الذكرى تنفع المؤمنين

يلا بسم الله 

 

أولاً مقادير الكيكة

هذه مقادير كيكتى وليست كيكة اسفنجية

المقادير موجودة هنا

هذا شكل الصينية اللى عملت فيها الكيك

وهذا شكل الكيكة ودى اول كيكة الكيكة البيضاء

وهذه الكيكة الثانية وضعت لون الطعام فى المقادير لتجعلها احمر
 

وهذا شكل الكيك انا عملت اتنين واحدة بيضاء وواحدة حمراء وغلفتهم كويس علشان متنشافش وده قبل ما ازوقها بيوم

 

هذا هو اليوم الثانى وقت التزين

جيبت الكيك وبدئت اقسم كل كيكة بالطول بالتساوى

 

هنا اخذت كل نصف وابدء اتعامل معه بتسوية الجوانب لإنها بتكون نشفة ولونها بنى فيتم إزالتها ولكن ماترمهاش

ولكن الأفضل انك تقطعى الجوانب من الكيكة قبل ما تقسميها زى ماعملت هنا علشان لما تقسمة تبقى مظبوطة

 

هنا بقى عندى اربع كيكات بالطول

هاخذ نصف ابيض ونصف احمر واعمل من كيكة بالفروالة واكررف النصفين الأخرين

هنا عندى كيكة اخذت لون شوية فى القعر يبقى لازم اشيل واكحت واساوى السطح

 

هذا شكل السطح بعد التسوية والتنظيف ويتم الكحت باستخدام السكينة براحة وده فى اليوم التانى

ونصيحة اوعى تعملى اى حاجة فى الكيكة وهى ساخنة لازم تبرد تماماً

 

اخذت نصف من الكيكة واقسمته ليعطينى اتنين وهاعمل كده مع الباقى

الكريمة اللى هازوق بيها وجنبها صوص فروالة انا عملته

 

فى الصورتين اللى فاتوا كنت بعمل تجربة من الكيكات قبل التزويق علشان اطلع كيكتين متساوين اوالطبقات تكون متساوية او متوازنة لإنكم عارفين الكيك بيطلع ممكن جزء عالى وجزء اقل منه

انا قلبت الصينية اللى عملت فيها الكيكة وحطيت ورقة بيضاء تحتها ووضعت اول نصف من الكيكة يعنى مش لازم اجيب الحامل بتاع التزين على رأى أمى الجيش بيقولك اتصرف

وبدئت ارش صوص الفروالة

وضعت طبقة كريمة ولكن هى خفيفة وده علشان حاطيت صوص الفروالة على الكريمة خففها ومكنش عندى كريمة تانى ازود علشان تتقل اللى عندى يكفى التغطية فقط

وممكن تحطى مكسرات ولكن المكسرات دى كانت فى كيكة قبل كده

 

وتكررى الطبقات وعلشان انا عندى كيكة بيضاء واخرى حمراء فأخذت نصف ابيض مع نصف احمر لكل كيكة

يعنى كل جزء اضعه اسقسقه شربات او صوص فاكهة او مربة مذابة او عصير ولكن اسقسقه مش اغرقه علشان الكيكة ممتهريش وتبقى فرفيت

اغطى الكيكة كلها بالكريمة واضعها فى الفريز لكى تمسك الكريمة ومتخافيش مش هايحصل حاجة للكيكة وعن تجربة

بعد كده اخرجها واحط طبقة تانية والشكل اللى على السطح من ايدى بإصبعى اتحرك حركات حلزونية او عشوائية وبأيدى ارشجوز هند على الجوانب واللى بيقع بارفع على السكينة واضغط بيه على الجوانب وممكن انتى تغطيها مكسرات او فسدق او اى شئ

 الفينش النهائى  

وهو وضع الفروالة ولما تجيبى فروالة لازم تبقى كبيرة وخالية من العيوب

 

 

باغسل الفروالة كويس قوى وباسيب الورقة الخضراء بتعاتها وامسكها زى مانتى شايفة واقطعها بالطول دون ان اصل الى النهاية

هذه شكلها بعد تقطيع الشرائح دون ان افصلها عن جسم الفروالة

وبعد كده انيمها على جنبها واوسع بين الشرائح براحة

 

وهذا شكلها يمكن ان تستخدميها فى اى شئ للتزين

وفى جزء من الفروالة قطعت الشرائح بنفس الشكل ولكن فصلتها

وهنا زوقت الكيكة بالشرائح المفصولة بوضعها فى الوسط بهذا الشكل واللى على الأحرف قطعتها نصفين بالورقة واللى بالطول غمستها بالشكولاتة وصبيت القليل من الشربات فوق الفروالة لتعطى لمعة ولون ......  ثانية واحدة راحة اجيب الطبق اللى انقل عليه الكيكة

ودى اول كيكة عملتها وقررت اهادى بيها اخت زوجى ساكنة فوقى ودى لإنى كنت مريضة وعملت الواجب معايا وزيادة ودى حاجة بسيطة ممكن اقدمها محبة وليس رداً لما تفعله لإنه لا يمكن رده ...شكراً لكِ

الكيكة الأولى

هذا هو الطبق اللى قررت وضع الكيكة فيه 

 وهنا هانقل الكيكة باستخدام الكبشة بتاعة الباشاميل هارفع بيها الكيك من ناحية من الناحية التانية امسك من تحت بايدى

تمت بحمد الله وكنت خايفة لتنشق ولا حاجة ولكن الحمدلله ووضع فروالة على الحرف جزء من التزين وجزء اجعلها من تحت شكلها كويس

 

الكيكة الثانية

هنا عملت مينى كيك وزوقته

هنا نيجى للكيكة التانية واللى اليوم معمول علشانها

 

 

هنا وضعت الفروالة المقطعة بالطول وعلى الجانب فروالة من الشرائح المفصولة وضعتها بميل ولازقتها بنقطة شربات علشان جوز الهند وصوص فروالة صبى على الفروالة او شربات

وهنا لما نقلتها فى هذا الطبق ووضعتها معها مينى كيك انا عملته على السريع ولكن من المفروض يبقى فى حوالى اربع اوخمس وحدات اخرى ولكنى ومن بازوق وإذا فجاة بانظر خلفى وجدتى بنى الصغير يأكل فيهم وهنا طردته شر طردة على الفورحتى احافظ على ماتبقى

وهنا الكيكتين منورين على السفرة التقط لهم الصور قبل ان ينتقلوا من هنا إلى اصحاب نصيبهم

 

دى طبعاً مش حتة من الكيكة ولكن دى بعد وضع الطبقات وقبل مااغطى الكيكى بالكريمة باساوى الكيكة من اليمين والشمال علشان احصل على كيكة متساوية فاخذ الزيادة واسيبها على الجنب وبعد مااخلص اححط على الزيادة بواقى الكريمة والفروالة واقدمها للأولاد

 

طبعاً فى سؤال مممكن يكون على أذهانكم كيف نقلت هذه الكيك من البيت الى الأماكن الأخرى ...... الكيكة الأولى اللى على الطبق الأبيض حطيت عليها الصينية اللى عاملت فيها الكيكة ولكن دون تركتها تصل الى الطبق لإنها هتلزق بالتزين فكنت مسكة الطبق وحطة الصينة وايدى فى النصف فاصل مابين الصينة والطبق وكنت اتصلت لإن تفتح لية الباب وطلعت على طول ودى كان امرها سهل ، اما الكيكة الثانية اللى هاذهب بها لمعلمتى تسكن بعدى بحوالى تلات الى اربع عمارات عملت فيها نفس الأولى واخذتها المسافة بسرعى لحد ماوصلت والحمد لله الذى بنعمته تتم الصالحات

 

 

وبالهنا والشفاء

 

طبعاً انا تبعت فى عمايلهم ولكن بيخلص التعب اول ما تلاقى ابتسامة اللى امامك وفرحته باستقبال هذا المجهود بالفرح والسعادة.

ادخال السرور ده فن فتفننى بادخال السرور على من حولك

وتعبت اكتر فى نقلهم فلوسمحت لما تعدى على الموضع اى تعليق ولو شكراً

..............................

ملحوظة المضرب بتاعى خرب ومش شغال فضربت الكريمة بالمضرب اليدوى والكيكة فى الخلاط شوفتواالجيش بيقولك اتصرف