المقادير
بليلة حب (غلة) من البقال
لبن
سكر او شربات
زبيب
مكسرات
جوز هند
كريم شانتيه او ايس كريم
فانيلا
الطريقة الأولى
تنقى البليلة جيداً من الشوائب وتغسل جيداً بالماء عدة مرات ثم تنقع ليلة كاملة فى ماء يغطيها حت تنفش الحبة
توضع الغلة (البليلة) مع ماء وتغطى وتوضع على نار متوسطة حتى تغلى ثم تهدى النار وتسلق حتى تستوى جيداً ويتفتح الحب وتتابع من حين لحين وكلما احتاجت ماء أضيف لها قليلاً ( وممكن وهى بتتسلق احط حبة جوز هند علشان يدى طعم ويطرى مع السلق علشان ما يبان فى الأكل)
ثم بعد تماما السواء أبدء أضيف لها اللبن والفانليا وقليل من النشا مذاب فى ماء أو لبن والسكر المطلوب ولو عندك شربات حطيه بدل السكرهيبقى افضل فى الطعم (وأنا أضيف إليها علبة دريم ايس كريم فانليا ولكن لا اضيفها بودر بل اضيفها بعد ما اعملها ايس كريم ويمكنك اضافة ايس كريم جاهز ) وممكن تضيفى بعض من الزبيب اثناء السوى
وتقعدى تقلبى وهى على النار الهادية حتى تبقبق (تطلع فقعاقات زى صلصة الباشميل او الرز بلبن) تعرفى انها تمام ممكن تأخذى منها معلقة تتذوقيها لمعرفة السوى وطعم السكر. وبعد كده تتطف النار وتتركيها تهدء ثوانى ثم تصبيها فى اطباق او كاسات شفافة بيكون شكلها حلو وتزوقيها بالمكسرات والزبيب وممكن كريم شانتيه (وانا بجيب قمع البيتى فور واحط فيه كريمة واعمل بيه وردة من فوق الكاسة)
أترككم مع بعض الصور
وانتى وزوقك وخيالك فى التزويق
أترككم مع بعض الصور
وانتى وزوقك وخيالك فى التزويق
بالهناء والشفاء ولو عجبتكم اوعى تنسى التعليق اكيد هاكون سعيدة بيه
من فتره كبيره وانا بدور عليها ف منتديات تانيه لقيتها بس بصراحه من غير تجربه ما اقتنعتش بيها لما شفت طريقه تقديمك بصراحه روعه جربتها كلمه تجنن قليله عليها بجد اجمل من ال بشتريها تسلم ايدك ياجميل ومستنيه الجديد منك
بالهناء والشفاء ومعلش ان كنت بتأخر فى الرد فتأخيرى يرجع الى ظروف والحمد لله ولكن ان شاء الله يكون فى جديد دائماً وكل عام وانتى بخير ورمضان كريم عليك وعلى حبيبك وقريبا هيكون ملف رمضان جاهز وملف لعيدالفطر ...ان شاء الله الكريم